સુવિધા / SBI ગ્રાહકો માટે ખાસ : EMI ટાળવાનો વિકલ્પ લીધા પછી પણ હપ્તો કપાયો તો આ રીતે મેળવો પરત

• એસબીઆઈના ગ્રાહકો માટે કામના સમાચાર
• EMI ટાળવાનો વિકલ્પ લીધા પછી પૈસા કપાય તો કરો આટલું
• 7 દિવસમાં ઈએમઆઈનું રિફંડ મળી જશે

જોકે, કેટલાક ગ્રાહકોની માર્ચની ઇએમઆઈ પહેલેથી જ કપાઈ ગઈ હતી, જે બાદ માર્ચનો ઈએમઆઈ કઈ રીતે પાછો મેળવવો તેને લઈને ગ્રાહકો પરેશાન હતા. તો હવે જો તમે તમારી ઈએમઆઈના પૈસા પાછા મેળવવા માંગો છો તો બેંક તેના માટે પણ તમને વિકલ્પ આપે છે.  

Want to opt for EMI Moratorium but money is already debited from your account. Here's what you can do to get a refund.#COVID19 #RBI #EMIDeferment #FAQ pic.twitter.com/iMd84XcMc0

— State Bank of India (@TheOfficialSBI) April 8, 2020

દેશની સૌથી મોટી સરકારી બેંક એસબીઆઈના કરોડો ગ્રાહકો છે અને તેમાંથી ઘણાંએ એસબીઆઈ પાસેથી લોન લીધી છે. એસબીઆઈએ તે ગ્રાહકોને માર્ચમાં કપાઈલા ઇએમઆઈના પૈસા પાછા મેળવવાનો વિકલ્પ પણ આપ્યો છે. આ માટે બેંકે તેના ઓફિશિયલ ટ્વિટર હેન્ડલ પર જાણકારી પણ આપી છે. 

આ રીતે પાછાં મેળવો ઈએમઆઈના પૈસા

પહેલી રીત 

જે લોકો ઈમેલ એક્સેસ કરે છે એવા ગ્રાહકોને નિર્ધારિત ફોર્મેટમાં તેમની લોનના કપાયેલાં પૈસા અને રિફંડ લેવા માટેની તમામ ડિટેલ ઈમેલ પર મોકલવી પડશે. ત્યારબાદ તમારી બેંકના લોકેશન અને બ્રાન્ચમાં સંપર્ક કરી શકો છો. 

બીજી રીત

એવા ગ્રાહકો જેમની પાસે ઈમેલ એક્સેસની સુવિધાનથી તે પણ આ રિફંડ લઈ શકે છે. આ માટે, તમે એસબીઆઇની શાખાને હાથથી લેખિત એપ્લિકેશન દ્વારા તમારી સંપૂર્ણ માહિતી આપી શકો છો.

આટલું ધ્યાનમાં રાખો

એપ્લિકેશન ફોર્મેટ અને એસબીઆઈની ઈમેલ આઈડી વિશે સંપૂર્ણ જાણકારી https://bank.sbi/stopemi પર ઉપલબ્ધ છે. તો ત્યાં જઈને તમે તમામ જાણકારી લઈ શકો છો. 

રિફંડ આવવામાં 7 વર્કિંગ ડેઝનો સમય લાગશે

જે ગ્રાહકો ઈએમઆઈના રિફંડ માટે એપ્લાય કરશે તેમને પૈસા પાછા મળવામાં 7 દિવસ રાહ જોવી પડશે. 

લોનની ઈએમઆઈ કઈ રીતે હોલ્ડ કરાવશો

લોનની ઈએમઆઈ હોલ્ડ કરાવનાર ગ્રાહકોએ આ અંગે બેંકને એપ્લિકેશન આપવી પડશે. અહીં ધ્યાન રાખજો કે ગ્રાહકોને ઈએમઆઈમાં છૂટ નથી મળી પરંતુ તેને ટાળવાનો વિકલ્પ મળ્યો છે. 

શું ઈએમઆઈ આગળ વધશે

જે ગ્રાહકો ત્રણ મહિના માટે ઇએમઆઈ રોકવા માંગતા હોય તેઓને લોનની વાસ્તવિક અવધિમાં વધારાના ત્રણ મહિનાનો ઉમેરો કરવામાં આવશે. આ રીતે તમે હવે જે ઇએમઆઈને ટાળી રહ્યા છો તે પછીથી વધારાના ઇએમઆઈના રૂપમાં ચૂકવવું પડશે, આ સમય દરમિયાન લોનની ઇએમઆઈ પર સામાન્ય રીતે વ્યાજ લેવામાં આવશે.