Job / બેંકમાં કરવી છે નોકરી, તો SBI આપી રહી છે તક, આ રીતે કરો અરજી

સ્ટેટ બેન્ક ઓફ ઇન્ડિયા (SBI)એ ક્લાર્કની 8,653 જગ્યાઓની ભરતી માટે જાહેરનામું બહાર પાડ્યું છે અને આ પોસ્ટ માટે અરજીની પ્રક્રિયા પણ શરૂ થઈ છે, જે 3મે સુધી ચાલુ રહેશે. ઉમેદવારો SBIની ઑફિશ્યલ વેબસાઇટ sbi.co.in અથવા bank.sbi પર જઇને અરજી કરી શકે છે. આ પોસ્ટ માટે બેંકે સંભવિત પરીક્ષાની તારીખ પણ આપી દીધી છે. ક્લાર્ક માટેની પ્રાથમિક પરીક્ષા જૂન 2019માં યોજવામાં આવશે અને મુખ્ય પરીક્ષા 10 ઓગસ્ટ, 2019ના રોજ યોજાશે.
 

સિલેક્શન પ્રોસેસ અને એક્ઝામ પેટર્ન:

SBI ક્લાર્ક પોસ્ટમાં ઉમેદવારોની પસંદગી પ્રાથમિક અને મુખ્ય પરીક્ષા દ્વારા કરવામાં આવશે. પ્રારંભિક એટલે કે પ્રીલિમ એક્ઝામમાં 100 માર્ક્સના વૈકલ્પિક પ્રશ્નો પૂછવામાં આવશે, જ્યારે મુખ્ય પરીક્ષામાં 200 માર્ક્સના 190 પ્રશ્નો પૂછવામાં આવશે. ઉમેદવાર અભ્યાસક્રમ વિશેની વધુ માહિતી વિભાગની ઑફિશ્યલ વેબસાઇટ પર જઈને મેળવી શકાશે.
 

એપ્લિકેશન ફી:

SBI ક્લાર્ક 2019 પદ પર અરજી કરવા માટે જનરલ કેટેગરી, ઓબીસી અને ઇડબ્લ્યુએસના ઉમેદવારોએ 750 રૂપિયા ફી ભરવી પડશે, જ્યારે SC, ST, પીડબ્લ્યુડી ઉમેદવારો માટે 125 રૂપિયા નક્કી કરવામાં આવ્યા છે.
 

લાયકાત:

 SBI માટે ઉમેદવારો પાસે ગ્રેજ્યુએશનની ડિગ્રી હોવી જોઈએ. આ સિવાય, ઉમેદવારો પાસે માન્ય સંસ્થામાંથી આઇડીડીની ડ્યુઅલ ડિગ્રી હોવી આવશ્યક છે. SBI ક્લાર્ક 2019 પોસ્ટ માટે અરજી કરવા માટે ઉમેદવારની ઉંમર 20 વર્ષથી 28 વર્ષની વચ્ચે હોવી જોઈએ.