દેશની સૌથી મોટી સરકારી બેંક સ્ટેટ બેંક ઓફ ઇન્ડિયા (એસબીઆઈ) ની પેટાકંપની એસબીઆઈ કાર્ડ્સનો આઈપીઓ 2 માર્ચે ખુલશે. તે જ સમયે, તેનું પ્રાઇસ બેન્ડ 750 રૂપિયાથી 755 રૂપિયા નક્કી કરવામાં આવ્યું છે. નિષ્ણાતોનું માનવું છે કે રોકાણકારો આ આઈપીઓથી બમ્પર વળતરની અપેક્ષા રાખી રહ્યા છે.
એસબીઆઈ કાર્ડ્સનો IPO આવશે 2 માર્ચે
બમ્પર વળતર મળવાની નિષ્ણાતો રાખી રહ્યા છે અપેક્ષા
FD કરતા 7 ગણો વધારે ફાયદો થવાની શક્યતા
આઈપીઓ લોન્ચ કરી રહેલી એસબીઆઈ કાર્ડ્સ અને પેમેન્ટ સર્વિસિસનો સ્ટોક ગ્રે માર્કેટમાં 200-270 રૂપિયાના પ્રીમિયમ પર કારોબાર કરી રહ્યો છે. સરળ શબ્દોમાં કહીએ તો, લિસ્ટિંગના દિવસે (બોમ્બે સ્ટોક એક્સચેંજ અને નેશનલ સ્ટોક એક્સચેંજ પર ટ્રેડિંગ શરૂ થવાના દિવસે), શેર દીઠ 270 રૂપિયાનો નફો થઈ શકે છે. તેથી, આઈપીઓમાં રોકાણ કરનારાઓને એક અઠવાડિયામાં 35-40 ટકા નફો મળશે. હાલમાં એક વર્ષની એફડી પર 6 ટકા સુધીનું વ્યાજ મળી રહ્યું છે.
IRCTCને પણ થયો હતો ફાયદો
પહેલી વખત આવેલ સરકારી કંપની IRCTC પર પણ ગ્રે માર્કેટમાં આટલું જ પ્રીમિયમ મળી રહ્યું હતું. આપને જણાવી દઇએ કે, IPO બાદથી IRCTC ના શેરમાં 100 જેટલું રિટર્ન મળ્યું છે.
કેટલા પૈસાનું કરવું પડશે રોકાણ -
એસબીઆઈ કાર્ડ્સે 19 શેરનો લોટ સાઇઝ નક્કી કરી દીધો છે. જો તમને સરળ ભાષામાં 755 રૂપિયાના દરે શેર મળે છે, તો તમારે ઓછામાં ઓછું 14,345 રૂપિયાનું રોકાણ કરવું પડશે.
કેવી રીતે રોકાણ કરવું -
IPOમાં, તમે તમારા સ્તરે સીધા નાણાંનું રોકાણ કરી શકો છો. આ માટે તમારે ડીમેટ ખાતું રાખવું પડશે. તે બ્રોકર દ્વારા રોકાણ કરી શકાય છે. દરેક બ્રોકરેજ હાઉસ આઈપીઓમાં રોકાણ કરવા માટે તેની વેબસાઇટ પર એક અલગ સેક્સન રાખે છે. જ્યાં જઇને તમે કેટલીક સુચનાઓ ભર્યા બાદ IPO માટે અરજી કરી શકશો.
કંપનીને મળેલા રેટિંગ મુજબ કરવું જોઇએ રોકાણ
સારો IPO જોવા માટે સૌથી પહેલા તો તે કંપનીની શાખ જોવી જોઇએ જે પોતાનો IPO લઇને આવી રહી છે. કેટલીક રેટિંગ એજન્સીઓ તે IPO ને પોતાનું રેટિંગ પણ આપે છે. જેના પર નજર રાખવી જરૂરી છે. જો 2 અથવા 2 કરતા વધારે એજન્સીઓનું રેટિંગ IPO પર પોઝિટીવ હોયય તો તેમાં રોકાણ કરવું જોઇએ.