SBI Cards ના ઇનિશિઅલ પબ્લિક ઓફરિંગ (IPO) અલૉટમેન્ટની રાહ જોઇ રહેલા લોકો માટે આજનો દિવસ ઘણો મહત્વપૂર્ણ છે. વાત એમ છે કે સાંજ સુધીમાં એસબીઆઇ કાર્ડના IPO અલૉટમેન્ટની આશા રાખવામાં આવી રહી છે. એવામાં જે લોકોને આઇપીઓ અલૉટ થશે તેમને મેલ અથવા રજિસ્ટર્ડ મોબાઇલ નંબર પર મેસેજ દ્વારા સૂચિત કરવામાં આવશે. આ ઉપરાંત આપ જાતે પણ આઇપીઓના સ્ટેટસની જાણકારી લઇ શકો છો.
SBI Cards ના IPO અલૉટમેન્ટની રાહ જોઇ રહેલા લોકો માટે આજનો દિવસ ઘણો મહત્વપૂર્ણ
આઇપીઓ અલૉટ થશે તેમને મેલ અથવા રજિસ્ટર્ડ મોબાઇલ નંબર પર મેસેજ દ્વારા સૂચિત કરવામાં આવશે
શું છે તેનો અર્થ ?
અલૉટમેન્ટનો અર્થ એ થયો કે જે લોકોએ SBI કાર્ડના આઇપીઓમાં ભાગીદારી માટે આવેદન કરી રાખ્યું છે તેમના ભાગ્યનો નિર્ણય આજે થઇ જશે. જ્યારે જે લોકોને SBI કાર્ડના આઇપીઓમાં ભાગીદારી નથી મળી તેમનું ફ્રીઝ કરવામાં આવેલુ અમાઉન્ટ રિલીઝ કરી દેવામાં આવશે. એટલે કે અમાઉન્ટનો આપ ટ્રાન્ઝેક્શન અથવા અન્ય કોઇ માધ્યમ માટે ઉપયોગ કરી શકો છો.
બીએસઇની વેબસાઇટથી મેળવો જાણકારી
આ ઉપરાંત બીએસઇ (BSE) ની લિંક - https://www.bseindia.com/investors/appli_check.aspx પર વિજિટ કરીને પણ સ્ટેટસની જાણકારી મેળવી શકો છો. અહીં આપને ઇશ્યૂ ટાઇપમાં ઇક્વિટી અને નામમાં SBI Cards and payment services ને સિલેક્ટ કરવી પડશે.
ત્યાર બાદ પોતાનો એપ્લિકેશન નંબર અને પેન નંબર એન્ટર કરવો પડશે. આપને એપ્લિકેશન નંબર બુકિંગ સમયે મળ્યો હશે. તે નંબરનો અહીં ઉપયોગ કરવાનો છે.
આ ઉપરાંત એસબીઆઇના રજિસ્ટ્રાર -Linkintimeની વેબસાઇટ- https://www.linkintime.co.in/IPO/public-issues.html પર જઇને પણ આઇપીઓના સ્ટેટસની જાણકારી લઇ શકો છો. અહીં આપને માત્ર એપ્લિકેશન નંબર, Client ID અથવા પેન નંબર એન્ટર કરવાનો રહેશે. મદદ માટે ઇમેલ [email protected] અને ફોન નંબર-02249186200નો ઉપયોગ કરવામાં આવી શકો છો.
આ છે કિંમત
આ આઇપીઓ માટે પ્રાઇસ રેન્જ 750-755 રૂપિયાની વચ્ચે રાખવામાં આવ્યો છે. આ આઇપીઓમાં રોકાણ માટે ગ્રાહકને ઓછામાં ઓછુ એક લૉટ માટે બોલી લગાવવાની હતી. જેમા 19 શૅર છે. કંપની એન્કર ઇન્વેસ્ટર્સથી 2,769 કરોડ રૂપિયા મેળવી ચૂકી છે. જેમાંથી 12 મ્યૂચુઅલ ફન્ડ્સ પણ સામેલ છે. SBI Cards આ આઇપીઓ દ્વારા 10,355 કરોડ રૂપિયા મેળવવાની આશા રાખે છે. આ આઇપીઓ 26.54 ગણો સબસ્ક્રાઇબ થયો છે.