જો તમારી પાસે SBIનું કાર્ડ છે તો તમારા માટે સારા સમાચાર આવ્યા છે. SBI બેંકે ખાતાધારકો માટે એક નવી સુવિધા શરૂ કરવાની તૈયારી કરી છે. જાણો આ સુવિધાથી તમને શું ફાયદો થશે અને મળશે કયા લાભ.
SBI ખાતેદારોને મળશે લાભ
બેંક શરૂ કરી રહ્યું છે નવી સુવિધા
જાણો ખાતેદારોને કઈ રીતે થશે ફાયદો
જાણો શું છે નવી સુવિધા
SBI કાર્ડના પ્રબંધ નિર્દેશનક અને સીઈઓ અશ્વીની કુમાર તિવારીએ કહ્યું છે કે કંપની પોતાના ગ્રાહકોને ક્રેડિટ સ્કોર જોવાની સુવિધા આપવાનો વિચાર કરી રહી છે. ગ્રાહકો આ સુવિધાના આધારે પોતાના ક્રેડિટ કાર્ડ ખાતા પર લોગ ઈન કરીને ક્રેડિટ સ્કોર જોઈ શકશે.
કેટલીક ચીજો લાગૂ કરવા પર મૂકાશે ભાર
તેઓએ કહ્યું કે અહીં કેટલીક ચીજો ખાસ રીતે લાગૂ કરાશે. તેમાંથી એક ચીજ ક્રેડિટ કાર્ડ ધારકો માટે ક્રેડિટ બ્યૂરો સ્કોરની સુવિધા હશે. જ્યારે પણ કાર્ડધારકો પોતાના ખાતા પર લોગ ઈન કરશે તેઓ ક્રેડિટ સ્કોર જોઈ શકશે. આ માટે કોઈ વધારાનો ચાર્જ લાગશે નહીં. તેઓએ કહ્યું છે કે આ માટે ટીમની સાથે ચર્ચા કરાઈ છે અને ખાસ રીતે કામ થઈ રહ્યું છે. તેનાથી કાર્ડધારકો કોઈ પણ સમયે જાણી શકે છે કે ક્રેડિટ બ્યૂરોના સ્કોરની પ્રવૃત્તિ શું છે.
કો-બ્રાંડેડની થઈ શકે છે શરૂઆત
શક્ય છે કે કો-બ્રાંડેડની શરૂઆત કરી શકાય. આ કાર્ડ કંપનીઓ અને બેંક કોઈ યોજનાને લઈને કરાર કરી શકે છે જેને પ્રાઈવેટ કંપનીઓ ચલાવે છે. તેઓએ અમેરિકાનું ઉદાહરણ આપતાં કહ્યું કે ત્યાં જો કોઈ દુકાનેથી સામાન ખરીદે અને તેમની પાસે કાર્ડ નથી તો તેને મેળવવા માટે કહેવામાં આવે છે.
જો વ્યક્તિ સહમત થાય તો તેને સામાજિક સુરક્ષા સંખ્યા પૂછાશે અને સાથે ગ્રાહકનો ક્રેડિટ સ્કોર સારો છે તો તેને 5-10 મિનિટમાં નંબર મળી જશે. શક્ય છે કે કાર્ડ પછી આવે અને નંબર પહેલાં મળી જાય.સંબંધિત વ્યક્તિ તેની મદદથી ખરીદીનો લાભ લઈ શકે છે. તિવારીએ જણાવ્યું કે આપણે પણ આ દિશામાં કામ કરીશું જેથી દુકાનદારો પાસેથી પોઈન્ટ ઓફ સેલ પર કાર્ડ જાહેર કરી શકાય.