લાભ / SBIની તહેવાર વિશેષ ઑફર, ગ્રાહકોને ઝંઝટ વગર મળશે સસ્તી લોન

ગ્રાહકોને આ તહેવારોની સિઝનમાં વગર કોઇ ઝંઝટ આકર્ષક અને સસ્તી લોન મળશે. આ સિવાય લોન પર લાગતી પ્રોસેસિંગ ફી પણ નહી લેવામાં આવે, પ્રી-અપ્રૂવ્ડ ડિજિટલ લોનની સુવિધા આપવામાં આવશે અને વ્યાજ દરમાં કોઇ વધારો નહી કરવામાં આવે. 

SBIની કાર પર નહી લાગે પ્રોસેસિંગ ફી:

- તહેવારોની સિઝન દરમિયાન SBI કાર લોનની પ્રોસેસિંગ ફી નહી લે. ગ્રાહકોને 8.70% જેટલા ઓછા વ્યાજે લોન ઑફર કરવામાં આવી રહી છે, જોકે આ વ્યાજ દરમાં કોઇ વધારો પણ નહી કરવામાં આવે. જે ગ્રાહકોએ ડિજિટલ પ્લેટફોર્મ જેવા કે YONO અથવા તો કોઇ વેબસાઇટની મદદથી અરજી કરી હશે તેમને બેંક વ્યાજ દરમાં 0.25%  જેટલી વધારે છૂટ આપશે. આ સિવાય પગારદાર ગ્રાહકને કારની ઓન રોડ કિંમતના 90% સુધી લોન મળશે.

10.75% પર મળશે 20 લાખ રૂપિયા સુધીની પર્સનલ લોન:

SBIએ 20 લાખ રૂપિયાની પર્સનલ લોન સૌથી સસ્તા દરે આપવાનો દાવો કર્યો છે. 6 વર્ષની સમયમર્યાદા માટે 10.75% દર પર લોન આપવામાં આવશે. આ સિવાય સેલરી એકાઉન્ટવાળા ગ્રાહકોને YONO દ્વારા 5 લાખ રૂપિયા સુધીની પ્રી-અપ્રુવ્ડ લોનની ઓફર મળશે. 

8.25% મળી રહી છે એજ્યુકેશન લોન:

એજ્યુકેશન લોનના શરૂઆતના વ્યાજ દર 8.25% રહેશે. આ દર દેશમાં ભણતર માટે 50 લાખ રૂપિયા સુધીની લોન પર અને વિદેશમાં ભણતર માટે 1.5 કરોડ રૂપિયા સુધીની લોન પર લાગુ કરાશે. ગ્રાહકોને ચુકવણી માટે 15 વર્ષનો સમય મળશે.

એપ્રિલ 2019થી અત્યાર સુધી 0.35% ઘટાડ્યો હોમ લોનનો વ્યાજ દર:

#SBI gives you an extra reason to celebrate! With the lowest interest rate of 8.05% based on the #Repo Linked Lending Rate, for your #HomeLoan this #festive season will definitely be more joyous.
#StateBankofIndia #SBIHomeLoan #RLLR pic.twitter.com/7OymgzQ4cq

— State Bank of India (@TheOfficialSBI) August 19, 2019

 તાજેતરમાં SBIએ જ હોમ લોનના વ્યાજદરમાં 0.15%નો ઘટાડો કર્યો હતો. એપ્રિલ 2019થી અત્યાર સુધી 0.35%નો ઘટાડો થઈ ચુક્યો છે. SBIના હોમ લોનના દર હાલ સૌથી ઓછો 8.05% છે. દરેક જુના અને નવા ગ્રાહકો માટે 1 સપ્ટેમ્બરથી આ દર લાગુ થઈ જશે. બેંકે હોમ લોનના દરને RBIના રેપો રેટ સાથે પણ જોડી દીધો છે.

સરકારી કર્મચારીઓને વધુ ફાયદો મળશે: 

#SBI Privilege #HomeLoan, exclusively designed for Central & State Government employees with a pensionable service (incl. PSBs & Central PSUs). With #SBIPrivilege enjoy special privileges like higher tenure upto 75 years & full waiver of processing fees. https://t.co/Ai2AlHGKWE pic.twitter.com/OSf6xdVhpy

— State Bank of India (@TheOfficialSBI) August 16, 2019

આ હોમ લોન પર SBI કેન્દ્ર સરકાર અને રાજ્ય સરકારના કર્મચારીઓને વિશેષ છૂટ આપશે. તેમાં હોમ લોન માટે લાગતી પ્રોસેસિંગ ફી સંપૂર્ણપણે માફ કરવામાં આવશે. આ ઉપરાંત, 75 વર્ષ માટેની હોમ લોન પણ લઈ શકાય છે.