SBI, HDFC, ICICI બેંક અને બેંક ઓફ બરોડા વરિષ્ઠ નાગરિકોને સ્પેશિયલ એફડી ઓફર કરી રહી છે, જે 30 સપ્ટેમ્બર 2021એ બંધ થઈ જશે. ચાલો જાણીએ ડિટેલ્સ.
SBI, HDFC, ICICI બેંકના ગ્રાહકો માટે કામના સમાચાર
આ બેંકો વરિષ્ઠ નાગરિકોને સ્પેશિયલ એફડી ઓફર કરે છે
30 સપ્ટેમ્બર 2021એ આ ઓફર બંધ થઈ જશે
તમને જણાવી દઈએ કે બેંકો મે 2020માં વરિષ્ઠ નાગરિકો માટે ખાસ ઓફર લઈને આવી હતી. સિલેક્ટેડ મેચ્યોરિટી પીરિયડવાળી એફડીમાં વરિષ્ઠ નાગરિકોને લાગુ પડતા વ્યાજ દર ઉપર 0.50 ટકા સુધીના વધારાના વ્યાજ દર માટે આ ઓફર હતી. એટલે કે નિયમિત ગ્રાહકને મળતા વ્યાજ કરતાં 1 ટકા વધુ વ્યાજ. બેંકો પાસે 5 વર્ષ કે તેનાથી વધુના કાર્યકાળ ધરાવતા વરિષ્ઠ નાગરિકો માટે ખાસ FD યોજના છે. જે 30 સપ્ટેમ્બર 2021 સુધી લંબાવવામાં આવી હતી. પરંતુ હવે આ તારીખ વધુ લંબાવવામાં આવે એવી ઓછી આશા છે.
એસબીઆઈ
હાલના સમયમાં સામાન્ય નાગરિકોને પાંચ વર્ષના સમયગાળા માટે એસબીઆઈમાં 5.4 ટકા વ્યાજનો લાભ મળે છે. જો કોઈ વરિષ્ઠ નાગરિક સ્પેશિયલ એફડી યોજના હેઠળ એફડી લે છે, તો તેને 6.20 ટકા વ્યાજ મળે છે. આ યોજના 5 વર્ષ કે તેથી વધુના સમયગાળા માટે છે.
HDFC બેંક
HDFC બેંકે સિનિયર સિટીઝન કેર રજૂ કર્યું હતું. બેંક આ ડિપોઝિટ્સ પર 0.75 ટકા વધુ વ્યાજ આપે છે. જો વરિષ્ઠ નાગરિક એચડીએફસી બેંક સિનિયર સિટીઝન કેર એફડી હેઠળ ફિક્સ્ડ ડિપોઝિટ કરે છે, તો એફડી પર 6.25 ટકા વ્યાજ દર મળે છે.
બેંક ઓફ બરોડા (BoB)
બેંક ઓફ બરોડાની સ્પેશિયલ એફડી યોજના (5 વર્ષથી 10 વર્ષ સુધી)ની છે. જો વરિષ્ઠ નાગરિક ફિક્સ્ડ ડિપોઝિટ કરે છે, તો FD પર લાગુ વ્યાજ દર 6.25 ટકા રહેશે.
ICICI બેંક
ICICI બેંકે વરિષ્ઠ નાગરિકો માટે સ્પેશિયલ એફડી સ્કીમ ICICI બેંક ગોલ્ડન યર્સ સ્કીમ રજૂ કરી છે. બેંક આ સ્કીમમાં 0.80 ટકા વધુ વ્યાજ આપી રહી છે. ICICI બેંક ગોલ્ડન યર FD સ્કીમ વરિષ્ઠ નાગરિકોને વાર્ષિક 6.30 ટકા વ્યાજ દર ઓફર કરી રહી છે.