તમારા કામનું / SBIમાં એક ઝાટકે 6000 ભરતી: જાણો કઈ રીતે થશે પસંદગી, કોણ કરી શકશે એપ્લાય

• SBI દ્વારા કુલ 6100 એપ્રેન્ટિસશીપની ભરતી
• ઈચ્છુક ઉમેદવાર બેન્કની ઓફિશિયલ વેબસાઈટ પર જઈ અરજી કરી શકે 
• કઈ રીતે કરવામાં આવશે પસંદગી? 

જો તમે SBIમાં કામ કરવાની ઈચ્છા રાખો છો અને તેની તૈયારી કરી રહ્યા છો. તો આ ખબર તમારા માટે છે. SBIએ દેશના વિવિધ રાજ્યો અને સંધ શાસિત રાજ્યોમાં સ્થિત શાખાઓમાં અપ્રેન્ટિસની પદ પર કામ કરવા માટે યોગ્ય ઉમેદવારો પાસેથી અરજી મંગાવવામાં આવી રહી છે. અસબીઆઈ દ્વારા કુલ 6100 ભરતી એપ્રેન્ટિસશીપ માટે જાહેર કરવામાં આવી છે. SBIમાં એપ્રેન્ટિસશીપ માટે અરજીના ઈચ્છુક ઉમેદવાર બેન્કની ઓફિશિયલ વેબસાઈટ,  sbi.co.in પર ઉપલબ્ધ ફોર્મના માધ્યમથી અરજી કરી શકો છો. એસબીઆઈ અપ્રેન્ટિસશિપ માટે આવેદન પ્રક્રિયા 6 જુલાઈથી શરૂ થઈ રહી છે અને ઉમેદવાર 26 જુલાઈ 2021 સુધી પોતાની એપ્લીકેશન કરી શકશે. 

શું યોગ્યતા હોવી જોઈએ? 
SBIમાં 6100 એપ્રેન્ટિસની ભરતીઓ માટે આવેદનના ઈચ્છુક ઉમેદવારો માટે માન્યતા પ્રાપ્ત વિશ્વવિદ્યાલય અથવા કોઈ અન્ય ઉચ્ચ શિક્ષા સંસ્થાનમાંથી કોઈ પણ વિષયમાં સ્નાતકની ડિગ્રી હોવી જોઈએ. સાથે જ ઉમેદવારની ઉંમર 31 ઓક્ટોમ્બર 2021એ 20 વર્ષથી ઓછુ અને 28 વર્ષથી વધુ ન હોવી જોઈએ. જોકે એસબીઆઈએ આરક્ષિત વર્ગને ઉમેદવારો માટે વધુ વય મર્યાદામાં છૂટ છાટનો પણ ઉલ્લેખ કરવામાં આવ્યો છે. 

પસંદગી પ્રક્રિયા અને સ્ટાઈપેન્ડ 
SBIમાં એપ્રેન્ટિસ માટે ઉમેદવારોની પસંદગી ઓનલાઈન લેખિત પરીક્ષા અને સ્થાનીક ભાષા પરીક્ષાના આધાર પર કરવામાં આવશે. ઓનલાઈન લેખિત પરિક્ષામાં જનરલ ફાઈનાન્શિયલ અવેરનેસ, જનરલ ઈંગ્લિશ, ક્વોન્ટિટેટિવ એપ્ટીટ્યૂડ અને રિઝનિંગ એબિલિટી અને કોમ્પ્યુટર એપ્ટિટ્યુડ વિષયો મળીને કુલ 100 પ્રશ્ન હશે. પરીક્ષાનો સમયગાળો 1 કલાકનો હશે અને કુલ માર્ક્સ 100 છે. લેખિત પરીક્ષામાં 0.25 નેગેટિવ માર્કિંગ પણ છે. લેખિત પરિક્ષામાં પાસ થનાર ઉમેદવારોને સ્થાનીક ભાષા પરીક્ષા માટે બોલાવવામાં આવશે. છેલ્લે પસંદગીની પ્રક્રિયા થયા બાદ ઉમેદવારને 15000 રૂપિયા મહિનાનો શરૂઆતી સ્ટાઈપેન્ડ આપવામાં આવશે.