તમારા કામનું / દર મહિને મેળવો રેગ્યુલર ઈનકમ, SBI અથવા પોસ્ટની આ સ્કીમ્સમાં કરો રોકાણ, થશે જોરદાર લાભ

• દર મહિને કરો ફિક્સ ઈનકમ 
• SBIની આ યોજનામાં કરો રોકાણ 
• પોસ્ટની આ સ્કીમ આપશે જોરદાર લાભ 

SBI Annuity Deposit Scheme vs Post Office MIS
જો તમે કોઈ એવી રોકાણ યોજના શોધી રહ્યા છો જેમાં દર મહિને રોકાણ પર તમને નિયમિત વળતર મળે, તો ચાલો અમે તમને તેના બેસ્ટ ઓપ્શન વિશે જણાવીએ. આ વિકલ્પો SBI Annuity Deposit Scheme અથવા પોસ્ટ ઓફિસની માસિક આવક યોજના છે. જો તમે બેમાંથી કોઈ એક યોજનામાં રોકાણ કરવા માંગતા હો, તો અમે બંને વચ્ચેનો તફાવત જણાવીએ. જાણો કઈ સ્કીમમાં રોકાણ કરવા પર તમને કેટલો વ્યાજ દર મળે છે.

ઓછામાં ઓછુ 1,000 રૂપિયાનું કરો રોકાણ 
SBIની વાર્ષિકી ડિપોઝિટ સ્કીમમાં તમે 36 મહિના, 60 મહિના, 84 મહિના અને 120 મહિના માટે રોકાણ કરી શકો છો. તમે આ સ્કીમમાં ઓછામાં ઓછા 1,000 રૂપિયાનું રોકાણ કરી શકો છો. આમાં રોકાણની કોઈ મહત્તમ મર્યાદા નથી. 5 લાખનું રોકાણ કરીને તમે દર મહિને 10,000 રૂપિયા સુધી મેળવી શકો છો.

5.45 ટકાથી 5.50 ટકાનો વ્યાજદર
આ યોજનામાં સામાન્ય નાગરિકોને 5.45 ટકાથી 5.50 ટકા સુધીનો વ્યાજ દર મળે છે. બીજી તરફ, વરિષ્ઠ નાગરિકોને 5.95 ટકાથી 6.30 ટકા સુધીનો વ્યાજ દર મળે છે. આ સ્કીમ પર તમને લોનની સુવિધા મળે છે. જો તમે ઈચ્છો તો સમય પહેલા પણ આ સ્કીમમાંથી પૈસા ઉપાડી શકો છો.

પોસ્ટની આ યોજનામાં કરો 5 વર્ષ માટે રોકાણ 
તમે પોસ્ટ ઓફિસની માસિક રોકાણ યોજનામાં 5 વર્ષ માટે રોકાણ કરી શકો છો. આ સ્કીમમાં રૂ. 1,000 થી રૂ. 4.5 લાખ (સિંગલ એકાઉન્ટ માટે) અને રૂ. 9 લાખ (સંયુક્ત ખાતું) નું લઘુત્તમ રોકાણ કરી શકાય છે.

રોકાણ પર દર મહિને 6.6 ટકા વળતર 
MIS યોજનામાં રોકાણ પર દરેક નાગરિકને 6.6 ટકા વળતર મળે છે. વરિષ્ઠ નાગરિકોને કોઈપણ પ્રકારનો વધારાનો લાભ મળતો નથી.

ખાતુ બંધ કરવા પર કપાય છે પૈસા 
MIS યોજનામાં રોકાણ કર્યાના એક વર્ષની અંદર ખાતું બંધ કરવાની મંજૂરી નથી. ત્યાં જ 1 વર્ષ પછી ઉપાડ પર 2 ટકા રકમ કાપવામાં આવશે. 3 વર્ષ પછી ઉપાડ પર 1 ટકા રકમ કાપવામાં આવે છે.