દેશની સૌથી મોટી બેન્ક SBI અને ખાનગી સેક્ટરની સૌથી મોટી બેન્ક HDFC Bankની ફિક્સ્ડ ડીપોઝીટની યોજનાઓમાં રોકાણ કરનારા ગ્રાહકોને સારો ફાયદો થશે. બંને બેન્કોએ એફડીના વ્યાજ દરમાં વધારો કર્યો છે.
ભારતીય સ્ટેટ બેન્કે પોતાની અલગ-અલગ સમયગાળાની એફડી પર અલગ-અલગ વ્યાજ દરો મુક્યા છે. ત્યારબાદ હવે 2 થી ત્રણ વર્ષની એફડી પર 5.20 ટકા તો 2 થી 5 વર્ષની એફડી પર 5.45 ટકા વ્યાજ મળશે. જ્યારે 5 થી 10 વર્ષની એફડી પર વ્યાજ દર 5.50 ટકા હશે. ગ્રાહકોને આ વધેલા વ્યાજ દરનો ફાયદો 2 કરોડ રૂપિયાથી ઓછા ડિપોઝીટ પર જ મળશે. વરિષ્ઠ નાગરિકોને એફડી પર વધુ વ્યાજનો ફાયદો મળશે. તેમને અલગ-અલગ સમયગાળાની એફડી પર મહત્તમ 6.30 ટકા વ્યાજ મળશે.
HDFC Bankએ પણ એફડી પર વ્યાજ દરો વધાર્યા
ખાનગી ક્ષેત્રની HDFC Bankએ પણ 2 કરોડ રૂપિયાથી ઓછી એફડી પર વ્યાજ દરો વધાર્યા છે. 3 થી 5 વર્ષની એફડી પર હવે ગ્રાહકોને 5.45 ટકા વ્યાજ મળશે. જ્યારે 5 થી 10ના સમયગાળા માટે આ 5.60 ટકા હશે. એટલું જ નહીં, સિનિયર સિટીઝન માટે બેન્કના આ વ્યાજ દર અનુક્રમે 5.95 ટકા અને 6.35 ટકા હશે. બંને બેન્કોના વ્યાજ દરો 15 ફેબ્રુઆરી 2022થી લાગુ થઇ રહ્યાં છે.