ધ્યાન રાખજો / આ બેન્કના 40 કરોડ ગ્રાહકોના ખાતા થઈ શકે બંધ, જાણો શા કારણે બેન્કે આપ્યું અલર્ટ

• એસબીઆઈએ પોતાના ગ્રાહકોને એલર્ટ કર્યા
• 31 માર્ચ 2022 પહેલા પાન-આધાર કાર્ડને લિન્ક કરવા નોટીસ મોકલી
• અવિરત બેન્કિંગ સેવાનો આનંદ ઉઠાવવા માટે અમે આપી રહ્યાં છે સલાહ

31 માર્ચ સુધી છે તક

ટ્વિટમાં એસબીઆઈએ કહ્યું છે, અમે પોતાના ગ્રાહકોને કોઈ પણ અસુવિધાથી બચાવવા અને અવિરત બેન્કિંગ સેવાનો આનંદ લેવા માટે તમારા પાન કાર્ડને આધાર સાથે જોડવાની સલાહ આપીએ છીએ. બેન્કે કહ્યું કે ગ્રાહક સમય પ્રમાણે પાન અને આધારને લિન્ક કરાવી લો. જેનાથી ગ્રાહક કોઈ પણ અસુવિધાથી બચી શકશે.

We advise our customers to link their PAN with Aadhaar to avoid any inconvenience and continue enjoying a seamless banking service.#ImportantNotice #AadhaarLinking #Pancard #AadhaarCard #AmritMahotsav #AzadiKaAmritMahotsavWithSBI pic.twitter.com/O3qVKJaquk

— State Bank of India (@TheOfficialSBI) January 15, 2022

પાન કાર્ડને આધાર કાર્ડ સાથે જોડવાની સમર્ય મર્યાદા વધારાઈ

ઉલ્લેખનીય છે કે, કેન્દ્ર સરકારે કોરોના વાયરસ મહામારીને જોઈને પાન કાર્ડને આધાર કાર્ડ સાથે જોડવાની સમય મર્યાદા 30 સપ્ટેમ્બર 2021થી વધારીને 31 માર્ચ 2022 કરી દીધી છે. એસબીઆઈએ આની પહેલા પણ ટ્વિટ કરી કહ્યું હતુ કે અમે પોતાના ગ્રાહકોને સલાહ આપીએ છીએ કે તે કોઈ પણ અસુવિધાથી બચવા માટે પોતાના પાનને આધાર સાથે લિન્ક કરાવી લે અને અવિરત બેન્કિંગ સેવાનો આનંદ ઉઠાવે. આ સાથે બેન્કે કહ્યું કે પાન કાર્ડને આધાર સાથે લિન્ક કરવુ ફરજીયાત છે. જો પાન અને આધાર લિન્ક નથી તો પાન કાર્ડ નિષ્ક્રિય થઇ જશે અને સ્પેસિફાઈડ ટ્રાન્જેક્શન કરવા માટે પાન કાર્ડનો ઉપયોગ કરી શકાય નહીં. 

પાન-આધાર કાર્ડને આ રીતે કરો લિન્ક

પહેલી પદ્ધતિ

સૌથી પહેલા તમે ઈન્કમ ટેક્સની સત્તાવાર વેબસાઈટ પર જાઓ.

https://www.incometaxindiaefiling.gov.in/home
અહીં તમને ડાબી બાજુએ Link Aadhaarનો વિકલ્પ જોવા મળશે, તેના પર ક્લિક કરો.
એક નવુ પેજ ખુલશે. જ્યાં તમને PAN, AADHAAR અને આધારમાં તમારા નામ જેવુ લખ્યું છે, તેને ભરવાનુ છે
જો તમારા આધાર કાર્ડમાં ફક્ત જન્મનુ વર્ષ છે તો 'I have only year of birth in aadhaar card'ના બોક્સને ટીક કરો
કેપ્ચા કોડ નાખો અથવા OTP માટે ટિક કરો
લિન્ક આધારના બટનને ક્લિક કરે, બસ થઇ ગયુ તમારું PAN અને Aadhaar લિન્ક.

બીજી પદ્ધતિ

જો તમે PAN અને Aadhaar ને SMS દ્વારા પણ લિન્ક કરી શકો છો.
મોબાઈલના મેસેજ બોક્સમાં જઇને ટાઇપ કરો - UIDPAN<12-digit Aadhaar><10-digit PAN> 
આ મેસેજને 567678 અને 56161 પર મોકલી દો, બસ થઇ ગયુ કામ