SBI Alertના આધારે કહેવાયું છે કે અપગ્રેડેશનના કારણે આજે યૂપીઆઈ સેવાનો ઉપયોગ કરવામાં મુશ્કેલી આવશે. તમે યોનો એપનો ઉપયોગ કરી શકો છો.
SBIએ આપ્યું એલર્ટ
અપગ્રેડેશનના કારણે યૂપીઆઈ સેવાનો ઉપયોગ કરવામાં મુશ્કેલી આવશે
યૂઝર્સ યોનો એપનો ઉપયોગ કરી શકો છો
હાલના વર્ષોમાં ડિજિટલ પેમેન્ટને લઈને યૂઝર્સનો ઝોક વધી રહ્યો છે. ખાસ કરીને કોરોનામાં યૂપીઆઈથી લેનદેન શહેરથી લઈને ગામમાં વધી રહ્યું છે. પહેલાં જ્યાં યૂપીઆઈ પેમેન્ટ મોટી દુકાનો સુધી સીમિત હતું કે હવે નાની દુકાનો અને ટી સ્ટોલથી લઈને પાણીપુરીના ખુમચા સુધી પહોંચ્યું છે. લગભગ દરેક બેંકના યૂઝર્સ યૂપીઆઈ પેમેન્ટનો ઉપયોગ કરી રહ્યા છે. હાલમાં જરૂરી સૂચના એ છે કે જો તમે SBIના યૂઝર છો તો આજે તમને યૂપીઆઈ પેમેન્ટમાં મુશ્કેલી આવી શકે છે. SBI યૂઝર્સને યૂપીઆઈ પેમેન્ટમાં આવનારી મુશ્કેલીને લઈને બેંકે એલર્ટ જાહેર કર્યું છે.
આ છે કારણ
SBI દ્વારા ટ્વિટ કરાઈ છે અને યૂઝર્સને જાણકારી આપવામાં આવી છે કે કસ્ટમર એક્સપીરિયન્સને વધઆરે સારો બનાવવા માટે 14 માર્ચે એટલે કે આજે બેંક યૂપીઆઈ પ્લેટફોર્મને અપગ્રેડ કરશે. આ કારણે યૂઝર્સને યૂપીઆઈ પ્લેટફોર્મનો ઉપયોગ કરવાામાં મુશ્કેલી આવે તે શક્ય છે. જો કે બેંકે આ માટેના વિકલ્પ પણ આપ્યા છે.
આ સેવાઓનો કરી શકશો ઉપયોગ
SBIએ ખાસ જાણકારી આપતા કહ્યું છે કે આ અપગ્રેડેશન સમયે યૂઝર્સ યોનો એપ, Yono Lite App, SBI Net banking કે એટીએમનો ઉપયોગ કરી શકે છે. અપગ્રેડેશનના કારણે યૂપીઆઈની સેવાઓ કામ કરશે નહીં.
15 અને 16 માર્ચે પણ બેંકિંગ સેવાઓ રહી શકે છે પ્રભાવિત
યૂનાઈટેડ ફોરમ ઓફ બેંક યૂનિયનની તરફથી 2 સરકારી બેંકના ખાનગીકરણના વિરોધમાં 2 દિવસની હડતાળ છે. આ કારણે પણ બેંકની શાખાઓ 2 દિવસ બંધ રહેશે. બેંકે કહ્યું છે કે આ હડતાળની અસર બેંકના કામકાજ પર થઈ શકે છે.