સંઘર્ષ / અમદાવાદમાં સાવનના ફ્યુઝન દાલ-પકવાન ખાવા માટે પડાપડી, ચટાકો એવો કે ચાહક બની જશો, કમાણી 'વિરલ'

જ્યારે ફાસ્ટ ફૂડનો ઉલ્લેખ કરવામાં આવે છે, ત્યારે પ્રથમ વસ્તુઓ જે ધ્યાનમાં આવે છે તે છે ચાઇનીઝ બર્ગર અને પિઝા. જો કે, પ્રખ્યાત સિંધી વાનગી દાલ-પકવાન પણ ખૂબ લોકપ્રિય છે. ઘણા લોકો સવારની ચા સાથે દાલ-પકવાન ખાવાનું પસંદ કરે છે.

રવિવારનો દિવસ એટલે આનંદનો સમય હોય છે, અને આ દિવસે 'મેં મારા ઘરથી નજીકના ન્યૂ ગોતા ખાતે સાવન દાલ-પકવાને અજમાવવાનો નિર્ણય કર્યો. આ સ્થળે જવા વિશે સાંભળ્યું હતું કે ત્યાંનું વિશેષ અને અલગ સ્વાદના દાલ-પકવાન મળે છે. મેં ન્યૂ ગોતા સાંવતનો સ્વાદ લવાતા જ તરત જ મારા મોંમાં પાણી આવી ગયું. દાલનું શાહી સ્વાદ, માખણ સાથેના ઉકાળા અને તાજા પકવાન'

દાલ-પકવાનનો સ્વાદ ચાખ્યા પછી અને તેના માલિક વિરલ જયંતિલાલ વરૂ સાથે વાત કર્યા પછી મને ખબર પડી કે આ વાનગી રાજકોટ સ્ટાઈલ તરીકે ઓળખાય છે. જ્યારે તેમને પૂછવામાં આવ્યું કે તેમણે કેવી રીતે શરૂઆત કરી, તો વિરલભાઇ તરત જ જૂની વાતો વાગોળી કહ્યું 2021માં જગતપુર રોડ પર દાલ-પકવાનની લારી લઈને બેસતા હતા. તેમની પહેલા દિવસે માત્ર 2,100 રૂપિયા કમાયા અને માત્ર 20 પ્લેટો વેચી. જો કે, હવે તે રોજના લગભગ 7,000 રૂપિયા કમાય છે, ક્યારેક તેનાથી પણ વધુ. વધુમાં, તેમણે હવે એક દુકાન ભાડે રાખી છે. સવારથી જ લોકો તેમના દાલ-પકવાનની આતુરતાથી રાહ જોતા હોય છે.

વિરલભાઇના દાલ-પકવાન કેમ અલગ?

જ્યારે અમદાવાદ દાલ-પકવાનની ઘણી સ્વાદિષ્ટ જાતો વેરાઇટી મળી રહે છે, વિરલભાઈ કહે છે કે તે સામાન્ય રીતે મસાલા વિના પીરસવામાં આવે છે, દાલ અને પકવાનને એક બાઉલમાં અલગથી રજૂ કરવામાં આવે છે, તેની સાથે માત્ર લીલી ચટણી અને આમલીની ચટણી હોય છે. તેનાથી વિપરિત, રાજકોટ દાલ-પકવાનને મિશ્રિત વાનગી તરીકે સર્વ કરે છે, જેમાં ટોચ પર મસાલા અને પાંચ અલગ-અલગ પ્રકારની ચટણી હોય છે, જેનાથી તેને ફ્યુઝન દાલ-પકવાન નામ મળ્યું છે. વિરલભાઈએ દાલ-પકવાનની આ સ્ટાઇલ અમદાવાદમાં રજૂ કરી સ્થાનિકોના દિલ જીતી લીધું.

'આમ તો ખાનદાની છે અમારો વ્યવસાય '

જેમ જેમ વિરલભાઈ સાથે ચર્ચા ચાલુ રહી, તેમણે શેર કર્યું કે અમારો વ્યવસાય મૂળ રીતે ભેળ અને પાઉં રગડાનો છે, જે અમારા મૂળસ્થાન દેવભૂમિ દ્વારકામાં ચાલી રહ્યો છે. મારા પિતા અને દાદાના સમયમાં, ભેળ અને પાઉં રગડા માત્ર 10 થી 20 પૈસામાં વેચાતા હતા, ત્યારથી આ ધંધો ખાનદાની વ્યવસાય બની ગયો છે. પાઉં રગડાની બે શાખાઓ ચલાવીએ છીએ, એક રાજકોટમાં અને બીજી દ્વારકામાં, એટલે આમ તો ખુનમાં છે વેપારની આવડત.

દાલ પકવાનથી પણ મારી ઓળખ

તે પછી મને પણ લાગ્યું અને તમને પણ થતું હશે કે બાપ દાદાનો ધંધો મૂકી કેમ દાલ-પકવાનનું વેચાણ કરો છો? તો સ્મિત સાથે, વિરલભાઈએ ટિપ્પણી કરી કે જે વસ્તુઓ ખૂબ જ સરળતાથી મળે છે તેમાં આનંદ નથી, એટલા માટે હું 2012માં મારી પોતાની ઓળખ સ્થાપિત કરવા અહીં આવ્યો હતો. અને હવે દાલ પકવાનથી પણ મારી ઓળખ બની છે.

5 વાર નિષ્ફળતા પરંતુ પ્રયત્નો કરતા મળી સફળતા

વિરલભાઈ સાથે ચર્ચાઓ ચાલુ રહી, જે દરમિયાન તેમણે જીવનભર જે પડકારોનો સામનો કર્યો તે શેર કર્યા. તેમણે જણાવ્યું કે 2012માં જ્યારે તે રાજકોટ આવ્યા ત્યારે તેમણે શરૂઆતમાં નોકરીની કરી હતી. જોકે, બે-ત્રણ દિવસમાં જ તેમને સમજાયું કે નોકરીમાં તેમને મજા નહીં આવે. આનાથી તે શેરબજારના વ્યવસાયમાં ઝંપલાવ્યું, જે થોડા સમય માટે સફળ સાબિત થયો. કમનસીબે, COVID-19 રોગચાળાને કારણે, તે બંધ કરવું પડ્યું. તેમ છતાં વિરલભાઈએ હાર ન માની; તેમણે રિયલ એસ્ટેટનો વ્યવસાય શરૂ કરવાનો પ્રયાસ કર્યો, પરંતુ તે પ્રયાસ સંપૂર્ણપણે નિષ્ફળ ગયો. તે માને છે કે 'કોશિશ કરનેવાલો કી કભી હાર નહીં હોતી' એટલે 2021 માં, તેમણે દાલ-પકવાનનો વ્યવસાય પ્રારંભ કર્યો હતો. ઘણા સંધર્ષ બાદ આજે વિરલભાઈના દાલ પકવાન બ્રાન્ડ બની ગયા છે દિવસમાં 7 હજારથી વધુનો ધંધો છે.

વધુ વાંચો : 95 વર્ષથી અડીખમ છે રાંધેજાની આ ભેળનો સ્વાદ, ગાડાથી શરૂ થયું હતું વેચાણ, આજે અમેરિકા-કેનેડામાં પણ છે ગ્રાહકો

રેપિડો અને ટેક્સી પણ ચલાવી છે

વિરલભાઈએ ઉલ્લેખ કર્યો કે જે સમયમાં ધંધો ધીમો હતો, તે સમયે આજીવિકા માટે વિરલભાઈએ ટેક્સી પણ ચલાવી. તેમની સંઘર્ષની વાર્તા ખરેખર એક પ્રેરણા છે, કારણ કે તેઓ પોતાની ઓળખ સ્થાપિત કરવા માટે પણ લડ્યા છે. આજે તેમને દરેક પડકારોનો જિંદાદિલીથી સામનો કર્યો તેનું મીઠું ફળ મળી રહ્યું છે. જીવનમાં સુખ દુખ કાયમી હોતું નથી. તે વિરલભાઈની કહાનીમાંથી સાર્થક થાય છે. જે આજના યુવાધનને નવી રાહ ચીંધે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ