BIG NEWS / બિહાર: શ્રાવણના પ્રથમ સોમવારે શિવ મંદિરમાં ભક્તોનું ઘોડાપૂર, ભાગદોડ મચી જતાં એક મહિલાનું મોત

• ઉત્તર ભારતમાં આજે શ્રાવણનો પ્રથમ સોમવાર
• શિવ મંદિરોમાં ભારે ભીડ એકઠી થઈ
• બિહારના મહેન્દ્રનાથ મંદિરમાં ભાગદોડ મચી ગઈ 

ઉત્તર ભારતમાં આજે શ્રાવણનો પ્રથમ સોમવાર છે, ત્યારે આવા સમયે ઉત્તર ભારતના મોટા ભાગના શિવમંદિરોમાં ભક્તોની ભારે ભીડ એકઠી થઈ છે. આ તમામની વચ્ચે બિહારના સિવાનના પ્રસિદ્ધ મહેન્દ્ર નાથ મંદિરમાં આજે સવારથી મોટી સંખ્યામાં ભક્તો પહોંચી રહ્યા છે. પણ આ તમામની વચ્ચે એક દુ:ખદ ઘટના સામે આવી છે. મંદિરમાં જળ અર્પણ કરવા માટે ભારે સંખ્યામાં એકઠા થયેલા શ્રદ્ધાળુઓ વચ્ચે ભાગદોડ મચી ગઈ હતી. આ ભીડમાં દબાઈ જવાના કારણે એક મહિલાનું મોત થઈ ગયું છે. ઉપરાંત આ ઘટનામાં બે મહિલા ઘાયલ પણ થઈ ગઈ હતી. 

જળ અર્પણ કરવામાં ભાગદોડ થતાં એક મહિલાનું મોત

હકીકતમાં જોઈએ તો, બિહારના બાબા મહેન્દ્રનાખ મંદિર પ્રાચીન મંદિરોમાંનું એક મંદિર છે. નેપાળના રાજા મહેન્દ્ર વીર વિક્રમ સહદેવે આ શાનદાર મંદિર બનાવ્યું અને તેનું નામ મહેન્દ્રનાથ રાખ્યું હતું. સીવાનથી લગભગ 32 કિમી દૂર સિસવન બ્લોકમાં મેંહદાર ગામમાં આવેલા ભગવાન શિવના મહેન્દ્રનાથ મંદિર નિર્માણ નેપાળના નરેશ મહેન્દ્રએ 17મી સદીમાં કરાવ્યું હતું. તો વળી ભગવાન શિવને પ્રિય એવા શ્રાવણ મહિનામાંથી ભક્તોની ભારે ભીડ એકઠી થાય છે. ત્યારે આવા સમયે પ્રથમ સોમવારે ભારે સંખ્યામાં ંભક્તો એકઠા થયા હતા. આ તમામની વચ્ચે જળ અર્પણ કરવા માટે ભક્તોમાં ભાગદોડ મચી ગઈ હતી. આ દરમિયાન એક મહિલા દબાઈ જતાં મોત થયું હતું, જ્યારે અન્ય બે મહિલા ગંભીર રીતે ઘાયલ પણ થઈ હતી. 

લગભગ 500 વર્ષ જૂનું છે આ મંદિર

 મંદિરની આજૂબાજૂના વિસ્તારામં અલગ અલગ દેશી અને વિદેશી પર્યટકો આવતા રહે છે. મેંહદાર ધામ બિહારનું પર્યટન અને ઐતિહાસિક સ્થળ છે. આ મંદિર લગભગ 500 વર્ષ જૂનુ છે. મહેન્દ્ર નાથ મંદિર સૌથી જૂના ધાર્મિક સ્થળમાનું એક છે.