મહાદેવ / શ્રાવણ મહિનામાં ભૂલથી પણ ન કરતા આ ભૂલો, નહીંતર વ્રત કર્યાનું નહીં પ્રાપ્ત થાય ફળ

• ભગવાન શિવને પ્રસન્ન કરવા માટે કરાય છે સોમવારનુ વ્રત
• મહિલાઓએ પૂજા દરમ્યાન વિશેષ સાવધાની રાખવી જોઈએ
• શિવલિંગને ક્યારેય પણ હળદર ના ચઢાવવી જોઈએ

હળદર ના લગાવશો

શિવલિંગ પુરૂષ તત્વ સાથે સંબંધિત છે, તેથી ક્યારેય પણ શિવ અથવા શિવલિંગને હળદર ના ચઢાવવી જોઈએ. તમે શ્રાવણમાં શિવલિંગ પર બિલિપત્ર, ભાંગ, ગંગાજળ, દૂધ, ચંદન, રાખ વગેરે અર્પણ કરી શકો છો. 

શિવલિંગ ના અડશો

શાસ્ત્રો મુજબ, ભગવાન શિવની પૂજાના સમયે મહિલાઓેએ ક્યારેય પણ શિવલિંગ પર હાથ ના લગાવવો જોઈએ. એવી માન્યતાઓ છે કે મહિલાઓ દ્વારા શિવલિંગને અડવાથી માતા પાર્વતી નારાજ થાય છે. 

કાળા વસ્ત્ર ના પહેરશો

શ્રાવણ મહિનામાં જો તમે સોમવારનુ વ્રત રાખી રહ્યાં છો તો ભૂલથી પણ કાળા રંગના કપડા ના પહેરશો. કાળો રંગ નકારાત્મકતાનુ પ્રતિક હોય છે. ભોળાનાથની ઉપાસના વખતે લાલ અથવા પીળા રંગના કપડા પહેરવા સારુ માનવામાં આવે છે. શ્રાવણ મહિનામાં લીલા રંગના કપડા પહેરવા પણ ઉત્તમ રહેશે. 

આ વસ્તુઓ ના ખાશો

શ્રાવણ મહિનામાં મહિલાઓ ભૂલથી પણ રીંગણ, પાંદડાવાળી શાકભાજી, લસણ, ડુંગળી, માંસ અથવા દારૂનુ સેવન ના કરશો. તામસિક ભોજનના બદલે સાત્વિક ભોજનનુ સેવન કરો.