કોંગ્રેસે ટિકિટ ન આપતા NCPમાં જોડાયેલા આ પૂર્વ ધારાસભ્ય ફરી 'પંજા'નો હાથ પકડશે

વડોદરાઃ ભાજપ, કોંગ્રેસ સહિતના પક્ષોમાં હજુ પણ પક્ષ પલટો ચાલી રહ્યો છે. ત્યારે કોંગ્રેસના માજી ધારાસભ્ય ખુમાનસિંહ ચૌહાણ NCPમાંથી ફરી કોંગ્રેસમાં જોડાવા જઇ રહ્યા છે. તેઓ સાવલીના પૂર્વ ધારાસભ્ય છે. 2017માં ગત વિધાનસભા ચૂંટણીમાં કોંગ્રેસે ટિકિટ ન આપતા તેઓ નારાજ થઇ NCPમાં જોડાયા હતા. 



ત્યારબાદ ખુમાનસિંહ ચૌહાણે એનસીપીમાંથી ફોર્મ ભર્યુ હતું, પરંતુ તેઓ હારી ગયા હતા. સાવલીની બેઠક પરથી ભાજપના કેતન ઇમાનદારની જીત થઇ હતી.



મહત્વનું છે કે સાવલી બેઠક પરથી ખુમાનસિંહ ચૌહાણ 4 વખત ધારાસભ્ય રહી ચૂક્યા છે. જેઓ આજે વિધિવત રીતે કોંગ્રેસમાં જોડાશે. 



અત્રે ઉલ્લેખનીય છે કે ભાજપ અને કોંગ્રેસ દ્વારા તોડજોડની રાજનીતિ ચાલી રહી છે. ત્યારે કોંગ્રેસના નારાજ નેતાઓને ફરી કોંગ્રેસમાં લાવવાના પ્રયત્નો થઇ રહ્યા છે.