સામાન્ય રીતે લોકો રોકાણ કરવા માટે વિકલ્સ સતત શોધતા રહે છે જ્યાં તેમને પૈસા ઝડપથી વધે. એવામાં લોકો શૅર બજાર અને મ્યુચુઅલ ફંડની પસંદગી વધારે કરે છે પરંતુ જો જોખમરહિત રોકાણ કરવાની વાત લેવામાં આવે તો એવામાં વિકલ્પ સીમિત થઇ જાય છે. આજે અમે તમને જાણકારી આપીશું જ્યાં પર તમે જોખમરહિત રોકાણ કરી શકો છો અને રોકાણ 4 ગણું વધી શકે છે.
જોખમરહિત રોકાણ કરવા માટે સૌથી સારો વિકલ્પ FD છે જેની સેવા ભારતીય બેંકો અને પોસ્ટ ઑફિસ બંને આપે છે જોકે બંનેની તરફથી આપવામાં આવતી આ સેવાઓના વ્યાજ દરમાં અંતર હોય છે.
પોસ્ટ ઑફિસ ફિક્સ્ડ ડિપોઝિટ (FD):
જો તમે પોસ્ટ ઑફિસમાં FD કરાવો છો તો 1-5 વર્ષની FD પર 6.8-7.6% સુધી વ્યાજ દર મળે છે. આ જાણકારી ઇન્ડિયા પોસ્ટઑફિસની વેબસાઇટ પરથી મળી જશે. જોખમરહિત રોકાણ અને રિટર્ન માટેનો આ સારો વિકલ્પ માનવામાં આવે છે.
ફિકસ્ડ ડિપોઝિટ બેંક:
સાર્વજનિક ક્ષેત્રની સૌથી મોટી બેંક SBI 5-10 વર્ષ માટે ફિક્સ્ડ ડિપોઝિટ કરવા પર 6.75%નું વ્યાજ આપે છે. ત્યારે સીનિયર સીરિઝન માટે આ દર 7.25% છે. એવામાં જો તમે 5 લાખ રૂપિયાનું રોકાણ કરો તો રૂલ ઑફ 72ના હિસાબથી 72/6.75= 10.66 લગભગ 11 વર્ષમાં તમારા રૂપિયા બમણા થઇ જશે. જો તમે તમારી FD મેચ્યોરિટી પીરિયડને વધારો છો તો તમને વધારે પૈસા મળશે.
પોસ્ટ ઑફિસની FDમાં આટલા દિવસમાં થશે પૈસા બમણાં:
આ જાણવા માટે રૂલ ઑફ 72નો ઉપયોગ કરવામાં આવે છે. 72/7.6= 9.5 એટલે કે 10 વર્ષમાં તમારો રૂપિયા બણા થઇ જશે જો તમે તમારી FDની અવધિ આગળ વધારીને 20 વર્ષ સુધી કરી છે તો તમારા માટે વધારે ફાયદાકારક સાબિ થશે. જો તમે પોસ્ટ ઑફિસની FDમાં રોકાણ કરો તો 20 વર્ષ પછીના કેટલાક સમયમાં તમારું રોકાણ ચાર ગણું થઇ જશે. એટલે કે જો તમે 3 લાખ રૂપિયાનું રોકાણ કરો તો 20 વર્ષ પછી આ રકમ 12 લાખ રૂપિયા થઇ જશે.
પોસ્ટ ઑફિસ ટાઇમ ડિપોઝિટ એકાઉન્ટ (TD):
આ એકાઉન્ટમાં અવધિના હિસાબે અલગ-અલગ વ્યાજ આપવામાં આવે છે. ઇન્ડિયા પોસ્ટની વેસબાઇટ અનુસાર 1 વર્ષના એકાઉન્ટ પર 6.6% 2 વર્ષના એકાઉન્ટ પર 6.7% 3 વર્ષના એકાઉન્ટ પર 6.9% 5 વર્ષના એકાઉન્ટ પર 7.4% વ્યાજ આપવામાં આવશે. અહીંયા અધિકતમ 5 વર્ષ માટે રૂપિયા જમા કરાવવી શકાશે પરંતુ 5 વર્ષ પૂરા થતાં ફરી 5 વર્ષ માટે જમા કરાવી શકાય છે. એવામાં જો તમે 2 લાખ રૂપિયાનું રોકાણ કરીને રૂલ ઑફ 72ના અનુસાર 10 વર્ષથી ઓછા સમયમાં તમારા પૈસા બમણા થઇ જશે. એવામાં તમે તમારી FDની મેચ્યોરિટી 20 વર્ષ સુધી લઇ જાઓ તો તમારા પૈસા 4 ગણા વધી શકે છે.
નેશનલ સેવિંગ સર્ટિફિકેટ (NSC):
નેશનલ સેવિંગ સ્કીમમાં એક શાનદાર જોખમરહિત રોકાણ કરવાની યોજના છે. અહીંયા 7.6% વાર્ષિક વ્યાજ આપવામાં આવે છે જેની મેચ્યોરિટી અવધિ 5-10 વર્ષની હોય છે. અહીંયા 9.5 વર્ષમાં પૈસા બમણા થઇ જાય છે અને તેમાં કરવામાં આવેલા રોકાણ પર 1.5 લાખ રૂપિસા સુધીનો વાર્ષિક ટેક્સ પણ બચાવી શકો છો.