મોદી સરકારની તરફથી કોરોના કાળમાં PFના રૂપિયા કાઢવાની સુવિધા આપવામાં આવી હતી. તેની છેલ્લી તારીખ 30 જૂન છે. જો તમે હજુ સુધી આ રૂપિયા કાઢ્યા નથી તો જલ્દી કરો. આ પ્રોસેસથી તમે ઝડપથી તમારા રૂપિયા કાઢી શકો છો.
PFના રૂપિયા કાઢવામાં ફક્ત 2 દિવસ બાકી
આ પ્રોસેસથી ઝડપથી કાઢી લો તમારા રૂપિયા
30 જૂન 2020 છે છેલ્લી તારીખ
કોરોના વાયરસ મહામારીના કારણે લૉકડાઉન થવાને અને લોકોને કેશની તકલીફને જોતાં મોદી સરકારે ઈપીએફ એકાઉન્ટ હોલ્ડર્સને એક ખાસ સુવિધા આપી હતી. આ સુવિધાના આધારે લોકો પોતાના પીએફ ખાતાથી એક નક્કી રકમ કાઢી શકતા હતા જેનાથી તેમની રોજિંદી જરૂરિયાતો પૂરી થતી હતી. નાણાંમંત્રી નિર્મલા સીતારમણે એલાન કર્યું હતું તે મુદત હવે પૂરી થઈ રહી છે. એટલે કે કોરોના કાળમાં પીએફ એકાઉન્ટથી રૂપિયા કાઢવાની છૂટ 30 જૂનના રોજ પૂરી થઈ રહી છે. જો હજુ પણ તમારે રૂપિયા કાઢવા છે તો જલ્દી કરો. આ સુવિધા ખતમ થઈ શકે છે.
કેટલા રૂપિયા કાઢી શકો છો
ઈપીએફ ખાતાથી કાઢી શકાતી રકમ અંશ ધારકના 3 મહિનાના મૂળ વેતન અને મોંઘવારી ભથ્થાના યોગ કે તેના ખાતામાં જમા થયેલી કુલ રકમના 75 ટકામાંથી જે ઓછું હોય તેનાથી વધારે હોવી જોઈએ નહીં. કોરોનાની રોકથામને માટે લૉકડાઉના કારણે લોકોને રાહત આપવા આ પગલું લેવાયું હતું.
કોઈ પણ કર્મચારી ઉઠાવી શકે છે યોજનાનો લાભ
કોરોનાની મહામારી જાહેર કરાયા બાદ ઈપીએફ યોજનામાં આવનારા દેશભરના કારખાના અને અનેક અલગ સંસ્થાના કર્મચારીઓ આ રાશિને કાઢી શકે છે. આ માટે ઈપીએફ યોજના 1952 ના 68 એલના (3)ને જોડવામાં આવ્યો છે. સંશોધિત કર્મચારી ભવિષ્ય નિધિ કોશ યોજના 2020 28 માર્ચથી અમલમાં આવ્યું છે.
3 દિવસમાં મળશે રૂપિયા
રૂપિયા કાઢવા માટે સરકારે ઓનલાઈન ફોર્મની પણ વ્યવસ્થા કરી છે. આ વ્યવસ્થામાં અરજીને 3 દિવસમાં ખતમ કરાશે. તેમાં કોઈ માનવીય હસ્તક્ષેપ નહીં રહે. ઈપીએફના દાવાને ઓનલાઈન પૂરા કરાશે. નાણામંત્રીએ 1.70 લાખ કરોડ રૂપિયાના રાહત પેકેજની જાહેરાત કરતાં કહ્યું કે ઈપીએફથી રૂપિયા કાઢવાની સુવિધા પણ મળશે.
આ રીતે કાઢો પીએફ ખાતામાંથી રૂપિયા
સૌ પહેલાં (https://unifiedportal-mem.epfindia.gov.in/memberinterface/) પર ક્લિક કરો. તેનાથી યૂએએન ખાતામાં જાઓ અને અહીં ઓનલાઈન સેવાઓ પર ક્લેમ ફોર્મ પર ક્લિક કરો. આ પછી તમારી સામે નવું પેજ ખુલશે. તેમામં તમારા ખાતાના છેલ્લા 4 અંક ભરો. હવે પીએફ એડવાન્સ ફોર્મ 31 પર ક્લિક કરો. આ પછી તમારે ચેક કે પાસબુકની સ્કેન કોપી અપલોડ કરવાની રહેશે. હવે તમે આધારનંબરની મદદથી એક ઓટીપી મેળવશો. તેને નાંખીને તમે થોડા દિવસમાં રૂપિયા મેળવી લેશો.
5 ભૂલથી રિજેક્ટ થઈ શકે છે ક્લેમ
જો તમે ભરેલી માહિતીમાં કોઈ ભૂલ હશે તો તમારો ક્લેમ રિજેક્ટ થઈ શકે છે. જ્યારે તમે ફોર્મ ભરો છો ત્યારે બેંક ખાતાની સાચી માહિતી, પૂરું કેવાયસી, સાચી જન્મતારીખ, યૂએએનને આધારથી સંપૂર્ણ રીતે લિંક કરો. જો કોઈ પણ શરત બાકી હશે તો તમારું ફોર્મ રિજેક્ટ થશે અને તમને રૂપિયા મળશે નહીં.