ક્રાઈમ / પત્નીને છેડછાડથી તો બચાવી પણ પ્રાઈવેટ પાર્ટ ખોયો, દેશમાં બની કંપારી છોડાવે તેવી ઘટના

ઉત્તર પ્રદેશના બુલંદશહેરમાં એક વ્યક્તિને તેની પત્નીની ઉજ્જત બચાવવાની ખૂબ મોંઘી કિંમત ચૂકવવી પડી છે. જેમાં ગામના બે દરિંદાઓએ તેની પત્નીનો બળાત્કાર કરવાનો પ્રયાસ કર્યો હતો. જેનો પ્રતિકાર કરવા જતા ઘટના સ્થળે તે દબંગોએ એવી ક્રૂરતા બતાવી તેમની જીંદગીમાં તુફાન આવી ગયું હતું.

બુલંદશહેરના શિકારપુર પોલીસ સ્ટેશન વિસ્તારના એક ગામમાં ચોંકાવનારી ઘટના સામે આવી છે.  જ્યારે એક મહિલા ઘાસચારો લેવા માટે જંગલમાં ગઈ હતી ત્યારે બે લોકો ત્યાં પહોંચ્યા હતા અને મહિલા પર બળજબરી કરવાનો પ્રયાસ કર્યો હતો. મહિલાએ ગમે તે કરીને બંનેના ચુંગાલમાંથી પોતાને બચાવી ઘરે પહોંચી હતી અને તેના પતિને આ વિશે જાણ કરી હતી. જ્યારે તેનો પતિ તેમને મળવા ગયો ત્યારે ગુંડાઓએ બંનેને ખૂબ માર માર્યો હતો.

• પોલીસે કોઈ કાર્યવાહી ન કરી
  આ અંગે પતિએ જણાવ્યું કે જ્યારે મને આ વાતની ખબર પડી ત્યારે હું તેમની સાથે વાત કરવા ગયો હતો. જ્યાં બંનેએ મળીને અમને બંનેને માર માર્યો હતો. જેમાં એક વ્યક્તિએ મારું પેન્ટ ખોલ્યું અને મારા પ્રાઇવેટ પાર્ટને કાપી નાખ્યો હતો. જેના કારણે ઘણું લોહી નીકળ્યું અને કપડાં લોહીથી તરબોળ થઈ ગયા હતા. જેથી મેં પોલીસમાં ફરિયાદ નોંધાવવાનો પ્રયાસ કર્યો હતો પરંતુ આરોપીઓ સામે કોઈ કાર્યવાહી કરવામાં આવી નહતી.

ત્યાર બાદ પતિ તેના વકીલ અને પત્ની સાથે SSP ઓફિસ ગયા હતા અને આરોપીઓ સામે કાર્યવાહીની અપીલ કરી હતી. જ્યાં કેસ દાખલ કરવાની અપીલ પણ કરી હતી. જેથી SSPએ એસઓને FIR નોંધવા અને કાર્યવાહી કરવાનો આદેશ આપ્યો હતો.

વધુ વાંચો : મહાકુંભમાં સ્નાન કરતી મહિલાઓના ફોટા-વીડિયો વેચાવા મૂકાતાં ખળભળાટ, ભાવ 1થી 3 હજાર, ખુલ્યું મોટું કૌભાંડ

એક તરફ ઉત્તરપ્રદેશમાં ગુનેગારો સામે ઝીરો ટોલરન્સની વાત થઈ રહી છે તો બીજી તરફ ગુનેગારો મહિલા પર બળાત્કાર જેવા જઘન્ય ગુનાઓ કરવાનો પ્રયાસ કરે છે અને તેમની વિરૂદ્ધ કોઈ કાર્યવાહી પણ નથી થઈ રહી. ન્યાય માંગવા જતા આરોપીઓ પતિનું શિશ્ન પણ કાપી નાખે છે. ત્યાર બાદ પણ સ્થાનિક પોલીસ આ મામલે બેદરકારી દાખવે છે. આથી આરોપી સામે ઝીરો ટોલરન્સના દાવા સામે પ્રશ્નો ઉઠી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ