Tax Saving: દરેક પગાર મેળવનારા કર્મચારીઓએ વર્ષમાં એક વખત ઇન્વેસ્ટ પ્રમાણ પત્ર (Investment Proof)ને એમ્લોયર પાસે જમા કરવાનું હોય છે. પરંતુ ઘણી વખત કર્મચારીઓ આ જમા કરાવવાનું ભૂલી જાય છે. આ તમામ કારણોને લીધે મહત્વની બાબતો ફોર્મ 16માં નથી દેખાતી અને તમારે વધુ ટેક્સ ચૂકવવો પડે છે.
જો આ વર્ષે તમારી સાથે પણ આવું બન્યું હોય તો ચિંતા કરવાની જરૂર નથી. અમે તમને એવી રીતો જણાવવા જઈ રહ્યા છીએ, જેની મદદથી તમે ટેક્સમાં છૂટ મેળવી શકો છો.
1. આઇટીઆરમાં HRA પર છૂટ મેળવો
જો તમે તમારી ભાડાની રસીદ એમ્પ્લોયરને સબમિટ કરવાનું ભૂલી ગયા હોય અને તમે તમારા ITRમાં HRA હેઠળ છૂટ લઇ શકો છો. આ માટે તમારી પાસે ભાડાની રસીદ અને મકાનમાલિકનો PAN નંબર હોવો જરુરી છે.
2.80C નો ઉઠાવો લાભ
જો તમે તમારું રોકાણ પ્રમાણપત્ર એમ્પ્લોયરને સબમિટ કરી શક્યા નથી, તો તમે 80C હેઠળ 1.50 લાખ રૂપિયા સુધીની છૂટ મેળવી શકો છો.
3.PFનો ફાળો
સંગઠિત ક્ષેત્રના કર્મચારીઓએ તેમના પગારના 12 ટકા EPFમાં જમા કરાવવાના હોય છે. તમે આ યોગદાન માટે 80C હેઠળ છૂટનો દાવો કરી શકો છો.
4. ટ્યુશન ફીની ચુકવણી
બાળકો માટે શાળા, કોલેજ, યુનિવર્સિટી અથવા અન્ય શૈક્ષણિક સંસ્થાને ચૂકવવામાં આવતી ટ્યુશન ફી પણ 80C હેઠળ છૂટ માટે હકદાર છે.
5. જીવન વીમા પ્રીમિયમ
જો તમે જીવન વીમા પ્રીમિયમ ચૂકવો છો, તો પણ તમે 80C હેઠળ છૂટનો દાવો કરી શકો છો. આમાં, તમે જીવનસાથી અથવા તમારા બાળક માટે ચૂકવેલ પ્રીમિયમ પર મુક્તિનો દાવો પણ કરી શકો છો.
6. રિટર્નમાં એલટીએ ક્લેમ ના કરી શકાય
તમે તમારા રિટર્નમાં એલટીએને ક્લેમ ના કરી શકો, કારણ કે રાહતની આ વાત છે કે તમે આવનારા વર્ષ માટે કેરીફોરવર્ડ કરી શકો છો.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.