ચંડીગઢઃ એવું કહેવાય છે કે હાથની રેખાઓમાં કિસ્મત હોય છે. હાથની રેખા પરથી ભવિષ્યનો અંદાજ પણ લગાવી શકાય છે, પરંતુ હવે આ રેખાઓ પર ખતરો ઊભો થયો છે. માત્ર ફ્યૂચર નહીં પ્રેઝન્ટ બચાવવું પણ મુશ્કેલ થવા લાગ્યું છે. બાયોમેટ્રિક આઇડેન્ટિટી પ્રૂફના સમયમાં લોકોની આંગળીઓની રેખાઓ નષ્ટ થઇ રહી છે. આવું થઇ રહ્યું છે ફિંગર પ્રિન્ટ એક્ઝિમા નામના સ્કિન પ્રોબ્લેમથી. જે એક આંગળીથી શરૂ થઇને બંને હાથની તમામ રેખાઓને મિટાવી દે છે.
આ સમસ્યાનાં કારણે કોઇ બેન્ક એકાઉન્ટ ખોલાવી શકતું નથી તો કોઇ ઓફિસમાં પોતાની હાજરી નોંધાવી શકતું નથી. આ સમસ્યાથી પીડાતા લોકોની સંખ્યા ઝડપથી વધી રહી છે, પરંતુ હજુ સુધી આને લઇ કોઇ ગાઇડલાઇન જારી કરાઇ નથી. સ્કીન સ્પેશિયાલિસ્ટે તેના બચાવ માટે નમસ્તે કેમ્પેન શરૂ કર્યું છે. તેમનું માનવું છે કે એકબીજા સાથે હાથ મિલાવવાથી દૂર રહીને ખુદને આ બીમારીથી બચાવી શકાશે.
આ સમસ્યાના બચાવ માટે દેશભરના ડર્મેટોલોજિસ્ટ નમસ્તે કેમ્પેનની ફેવર કરી રહ્યાં છે. ઇન્ડિયન એસોસિયેશન ઓફ ડર્મેટોલોજિસ્ટના મેમ્બર અને નેશનલ સ્કિન હોસ્પિટલનાં ડો. વિકાસે જણાવ્યું કે તેમણે પોતાની હોસ્પિટલને શેકહેન્ડ ફ્રી ઝોન ડિક્લેર કર્યો છે, કેમ કે હાથ સાથે જોડાયેલા સ્કિન પ્રોબ્લેમ હાથ મિલાવવાથી વધે છે. આવા સંજોગોમાં નમસ્તે કરવાની આદત પાડવા સલાહ અપાઇ છે.
હાથ મિલાવવાથી સ્કિન ડિસીઝ સાથે હિપેટાઇિટસ-બી અને સી થવાનો પણ ખતરો રહે છે. આવા સ્કિન પ્રોબ્લેમ દર્દીમાં વાતાવરણમાં પરિવર્તન દરમિયાન આવે છે. તે સમયે હથેળીમાં ફંગલ ઇન્ફેક્શનના કેસ વધે છે. આવામાં લોકોને શેકહેન્ડ ન કરીને નમસ્તે કરવાની સલાહ અપાઇ છે. આ બીમારીને લઇ સ્કિન સ્પેશિયાલિસ્ટ ખૂબ ગંભીર છે.
ડર્મેટોલોજિસ્ટ એસોસિયેશન સાથે જોડાયેલાં ડોક્ટરોએ તેનાં પર રિસર્ચ પણ શરૂ કરી દીધું છે. ડો. વિકાસે જણાવ્યું કે આ બીમારીને લઇ તેઓ અલગ અલગ રિસર્ચ કરી રહ્યાં છે. મેમાં શિકાગો અને જૂનમાં ઈટાલીમાં આયોજિત વર્લ્ડ કોન્ફરન્સમાં પોતાના પેપર પ્રેઝન્ટ કરશે. બંને કોન્ફરન્સમાં આ બીમારીથી બચવા માટે આગળની ગાઇડલાઇન બનાવાશે.