T20 વર્લ્ડકપની તૈયારી / જય શાહ અને સૌરવ ગાંગુલીએ બોલાવી બેઠક: ટીમ ઈન્ડિયાની આ વાતથી ખુશ નથી BCCI

• ભારતના મિડલ ઓર્ડરની બેટિંગથી નાખુશ જય શાહ અને સૌરવ ગાંગુલી 
• સિલેક્ટર્સ સાથે કરી મિટિંગ 
• એશિયા કપમાં સુપર 4 સ્ટેજમાં ટીમ ઈન્ડિયાનું પ્રદર્શન ખરાબ 

ભારતના મિડલ ઓર્ડરની બેટિંગથી નાખુશ જય શાહ અને સૌરવ ગાંગુલી 

BCCI અધ્યક્ષ સૌરવ ગાંગુલી અને સચિવ જય શાહ એશિયા કપમાં ટીમ ઇન્ડિયાનાં મધ્ય ઓવરોમાં બેટિંગને લઈને ખુશ નથી. તેમણે ટી20 વર્લ્ડ કપ માટે ટીમના એલાન પહેલા સિલેક્ટર્સ સાથે વાત કરી હતી. ઓસ્ટ્રેલીયામાં 16 ઓકટોબરથી શરૂ થતાં ટી20 વર્લ્ડ કપ માટે સોમવારે ભારતીય ટીમની ઘોષણા કરવામાં આવી હતી. 15 સદસ્યો ઉપરાંત 4 સ્ટેન્ડબાય ખેલાડીઓના નામનું પણ એલાન કરવામાં આવ્યું હતું. 

સિલેક્ટર્સ સાથે કરી મિટિંગ 

રિપોર્ટ્સ અનુસાર, BCCI અધ્યક્ષ અને સચિવે સિલેક્ટર્સને ટીમ ઈન્ડિયાના પ્રદર્શનને લઈને ચર્ચા કરી. તેમણે એશિયા કપમાં મધ્ય ઓવરોમાં બનેલા ધીમા રનોને લઈને ચિંતા વ્યક્ત કરી છે. એશિયા કપમાં ભારતને સુપર 4માં પાકિસ્તાન અને શ્રીલંકા સામે હારનો સામનો કરવો પડ્યો હતો અને ટીમ ઈન્ડિયા ફાઇનલથી બહાર થઈ ગઈ હતી. જ્યારે ટુર્નામેન્ટ પહેલા ટીમ ઈન્ડિયાને ટ્રોફીની મુખ્ય દાવેદાર માનવામાં આવતી હતી. 

એશિયા કપમાં ભારતનું ખરાબ પ્રદર્શન 

એશિયા કપમાં જો ભારતની બેટિંગ પર નજર કરીએ તો ટીમ ઈન્ડિયાની ખાસકરીને 7 થી 16મી ઓવર વચ્ચે બેટિંગ કંઇ ખાસ જોવા મળી નથી. પાકિસ્તાન સામે પહેલી જ મેચમાં 9 ઓવરમાં 3 વિકેટ ગુમાવીને 59 રન જ બન્યા હતા. જ્યારે હોંગકોંગ સામે આ ઓવરોમાં 62 રન અને પાકિસ્તાન સામે સુપર 4માં 1 વિકેટ પર 62 રન ટીમ ઈન્ડિયાએ બનાવ્યા હતા. અફઘાનિસ્તાન સામે પ્રદર્શનને બાદ કરતાં, શ્રીલંકા સામે 9 ઓવરોમાં સૌથી વધારે 78 રન બનાયા હતા. 

ટી20 વર્લ્ડ કપ માટે ટીમ ઈન્ડિયા 

રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, દિપક હુડ્ડા, દિનેશ કાર્તિક, રિષભ પંત, હાર્દિક પંડયા, આર અશ્વિન, યુઝવેન્દ્ર ચહલ, અક્ષર પટેલ, જસપ્રીત બૂમરાહ, ભુવનેશ્વર કુમાર, હર્ષલ પટેલ, અર્શદીપ સિંહ