SHORT & SIMPLE / માવઠાના કારણે મોડા મોડા કેરીની એન્ટ્રી: રૂ.1200માં બે ડઝન હાફૂસ, જાણો કેસર કેરીનો શું છે ભાવ

• કેસર કેરી 15 દિવસ મોડી આવી
• સૌરાષ્ટ્રની કેસર કેરીની આવકમાં વધારો
• કેરીની આવક વધતા ભાવ ઘટ્યા

રાજ્યમાં કમોસમી વરસાદ બાદ કેરીની આવકમાં વધારો થયો છે. ખરાબ હવામાનના કારણે કેસર કેરી 15 દિવસ મોડી આવી છે. અમદાવાદમાં સૌરાષ્ટ્રની કેસર કેરીની આવકમાં વધારો થયો છે. હાલમાં રત્નાગીરી હાફૂસ, કેરળની હાફૂસ, પાયરી કેરીની આવકમાં વધારો થયો છે. તો સુંદરી અને બદામ કેરીની આવકમાં વધારો થયો છે. કેરીની આવક વધતા ભાવ પણ ઘટ્યા છે. 

કેસર કેરીની આવકમાં થયો વધારો
આવકના વધારા સાથે કેરીના ભાવમાં 15 ટકાથી 20 ટકાનો ઘટાડો થયો છે. અમદાવાદની બજારમાં રત્નાગીરી હાફૂસનો બે ડઝનનો ભાવ 1 હજારથી 1 હજાર 200 બોલાઈ રહ્યો છે. તો કેસર કેરીના 10 કિલોના ભાવ 800થી 1 હજાર રૂપિયા છે. બદામ કેરીની વાત કરીએ તો બદામ કેરીના 10 કિલોના ભાવ 800થી 1 હજાર રૂપિયા બોલાઈ રહ્યા છે.  કેસર કેરીમાં પ્રીમિયમ ક્વોલિટીવાળી કેરીના 5 કિલોના ભાવ 600થી 800 રૂપિયા છે.