જીત / રણજીનાં રણમાં સૌરાષ્ટ્ર સર્વશ્રેષ્ઠ, 76 વર્ષ બાદ ચેમ્પિયન

• ધર્મેન્દ્ર જાડેજાએ ત્રણ વિકેટ ઝડપી
• સૌરાષ્ટ્રની ટીમમાં બોલર્સ અને બેટ્સમેનનું શાનદાર પ્રદર્શન 
• પ્રથમ દાવમાં અર્પિત ચાવડાએ સૌથી વધુ 106 રન ફટકાર્યા 

A historic moment for Saurashtra as it is about to win its maiden #RanjiTrophy. A spirited performance by Jayadev Unadkat & his team has ensured their win in #ranjifinal by virtue of 1st innings lead. Congratulations to the team!@saucricket @JUnadkat @cheteshwar1 @BCCI pic.twitter.com/LoeZMimXBD

— Dhanraj Nathwani (@DhanrajNathwani) March 13, 2020

રણજી ટ્રોફીનાં રણમાં સૌરાષ્ટ્રની ટીમ ટેકનીકલ રીતે વિજયી બન્યું. રણજી ટ્રોફી ફાઈનલ મેચનાં પાંચમાં દિવસે બંગાળને હરાવી સૌરાષ્ટ્રની ટીમ વિજેતા બની. રણજી ટ્રોફીની ફાઈનલ મેચની પહેલી ઇનિંગમાં લીડનાં આધારે સૌરાષ્ટ્રને જીત હાંસલ થઇ છે. બંગાળની ટીમ મેચમાં 381 રનમાં ઓલઆઉટ થઇ ગઈ. 

સૌરાષ્ટ્રની ટીમે મેચમાં શાનદાર પ્રદર્શન કર્યું. ટીમમાંથી ધર્મેન્દ્રસિંહ જાડેજાએ ત્રણ વિકેટ ઝડપી જ્યારે જયદેવ ઉનડકટ અને પ્રેરક માંકડે બે-બે વિકેટ ઝડપી. સાથે જ ચેતન સાકરીયા અને ચિરાગ જાનીને પણ એક-એક સફળતા મળી. 

પ્રથમ ઇનિંગમાં સૌરાષ્ટ્રે કુલ 425 રન ફટકાર્યા જ્યારે બંગાળની ટીમ 381 રનમાં ઓલઆઉટ થઇ ગઈ.બંગાળને હરાવ્યા બાદ સૌરાષ્ટ્રની ટીમમાં જબ્બર ખુશીનો માહોલ છવાઈ ગયો હતો. સૌરાષ્ટ્રનાં જયદેવે આખા સ્ટેડીયમમાં દોડીને જીતની ઉજવણી કરી.

સૌરાષ્ટ્રની ટીમમાંથી બોલર્સની સાથે સાથે બેટ્સમેને પણ ધુઆંધાર પ્રદર્શન કર્યું. પ્રથમ દાવમાં અર્પિત વસાવડાએ સૌથી વધુ રન ફટકાર્યા હતા. અર્પિત વસાવડાએ 106 રન કર્યા. ચેતેશ્વર પૂજારાએ 66, વિશ્વરાજ જાડેજાએ 54 અને બારોટે 54 રન ફટકારી સૌરાષ્ટ્રની જીતમાં નોંધપાત્ર યોગદાન આપ્યું.