ડિઝીટલ / સૌરાષ્ટ્ર યુનિવર્સિટીએ એવો નિર્ણય લીધો કે વિદ્યાર્થીઓને વિશ્વમાં ક્યાંય પણ એડમિશન લેવામાં રહેશે સરળતા

• સૌરાષ્ટ્ર યનિવર્સિટીની પહેલ
• ક્યુઆર કોડ સાથે માર્ક્સશીટ
• વિદ્યાર્થીઓને નહીં ખાવા પડે ધક્કા

સૌરાષ્ટ્ર યુનિવર્સિટીના વિદ્યાર્થીઓ વિશ્વનાં કોઇપણ ખુણે નોકરી માટે જાય તો તેને વેરીફિકેશન કરાવવા ધક્કો નહિં ખાવો પડે. ત્યારે આ અંગે સૌરાષ્ટ્ર યુનિવર્સિટીનાં કુલપતિ ડો. નિતીન પેથાણીએ જણાવ્યું હતું કે, ક્યુઆર કોડ માર્કશીટમાં ઉમેરવામાં આવતા વિદ્યાર્થીઓ વિશ્વનાં કોઇપણ ખુણે નોકરી માટે જાય તો તેને વેરીફિકેશન કરાવવા ધક્કો નહિં ખાવો પડે. ઓનલાઇન વેરીફિકેશન થઇ જશે. સાથે જ અન્ય યુનિવર્સિટીમાં પ્રવેશ વખતે પણ ઓનલાઇન જ વેરિફિકેશન થઇ જશે. તો સાથે વિદ્યાર્થીની માર્કશીટનો ક્યુઆર કોડ સ્કેન કરવાથી તમામ માર્કશીટ જોવા મળશે અને ડાઉનલોડ પણ કરી શકાશે.

યુનિવર્સિટીના આ નિર્ણયને વિદ્યાર્થીઓ પણ આવકાર્યો

તો બીજી તરફ સૌરાષ્ટ્ર યુનિવર્સિટીના આ નિર્ણયને વિદ્યાર્થીઓ પણ આવકારી રહ્યા છે. વિદ્યાર્થીઓનું કહેવું છે કે, વિદ્યાર્થી અભ્યાસ કરી નોકરી મેળવવા જાય છે ત્યારે પહેલા વેરિફિકેશન માટે ધક્કા ખાવા પડતા હતા. હવે ઓનલાઇન માર્કશીટ થવાથી વિદ્યાર્થીઓને ધક્કા ખાવા નહિં પડે અને સમયનો બચશે. દેશની 600 કરતા વધુ શૈક્ષણિક સંસ્થાઓએ વિદ્યાર્થીનાં ડિજિટલ એકેડેમિક પ્રમાણપત્રો માટે NADમાં નોંધણી કરાવી છે.

આજથી સૌરાષ્ટ્રના 81 કેન્દ્રમાં સ્નાતક અને અનુસ્નાતક કક્ષાની પરીક્ષાનો પ્રારંભ થશે

સૌરાષ્ટ્ર યુનિવર્સિટી દ્વારા આજથી સૌરાષ્ટ્રના જુદા જુદા પાંચ જિલ્લાના 81 કેન્દ્રમાં સ્નાતક અને અનુસ્નાતક કક્ષાની પરીક્ષાનો પ્રારંભ થશે. દરેક પરીક્ષા કેન્દ્રમાં થર્મલ ગન અને સેનેટાઈઝર ફરજિયાત કરવામાં આવ્યા છે. જનરલ ઓપ્શન સાથે વિદ્યાર્થીઓની સૌપ્રથમ વખત પરીક્ષા લેવામાં આવી રહી હોવાનું પરીક્ષા વિભાગના સૂત્રોએ જણાવ્યું હતું.