સૌરાષ્ટ્ર યુનિવર્સિટીના એન્ટી વુમન હેરેસમેન્ટ સેલ દ્વારા પ્રોફેસર હરેશ ઝાલાને ક્લીનચીટ આપવામાં આવી છે. ત્યારે આ મામલે સૌરાષ્ટ્ર યુનિવર્સિટીના ઉપકુલપતિએ મીડિયા સાથે વાત કરતા કહ્યું કે, હરેશ ઝાલાને હજુ નિર્દોષ જાહેર કરાયા નથી. તેમને નિર્દોષ જાહેર કરવા અંગેનો નિર્ણય સિન્ડિકેટની બેઠક બાદ લેવામાં આવશે. તેમજ ઓડિયો ક્લિપનો FSL રિપોર્ટ કરાશે અને વાયરલ ઓડિયોની તપાસ કરવામાં આવશે.
એન્ટી હેરેસમેન્ટ સેલે આપ્યો રિપોર્ટ
હરેશ ઝાલાને નિર્દોષ જાહેર કર્યા
ઓડિયો ક્લીપ ખોટી હોવાનો દાવો
જોકે હાલ તો એન્ટી વુમન હેરેસમેન્ટ સેલે પ્રોફેસર હરેશ ઝાલાને નિર્દોષ જાહેર કર્યા છે. પ્રોફેસર હરેશ ઝાલાની અભદ્ર માગ સાથેની ઓડિયો ક્લિપ વાયરલ થઈ હતી. આ વાયરલ ઓડિયો ક્લિપમાં પ્રોફેસર હરેશ ઝાલાનો અવાજ ન હોવાનો અહેવાલ એન્ટી વુમન હેરેસમેન્ટ સેલે આપ્યો છે. એન્ટી વુમન હેરેસમેન્ટ સેલે આપેલ રિપોર્ટમાં ઓડિયો ક્લિપ ખોટી અને ઉપજાવી કાઢેલ છે તેવું કહેવામાં આવ્યું છે.
હેરેસમેન્ટ સેલનો આ રિપોર્ટ આગામી 5 ફેબ્રુઆરીએ સિન્ડિકેટ સમક્ષ મુકવામાં આવશે. ત્યારે હાલ તો એન્ટી વુમન હેરેસમેન્ટ સેલ અને ઉપકુલપતિના નિવેદનમાં વિરોધાભાસ કેમ ? તેવા અનેક સવાલો ઉભા થઈ રહ્યા છે.
ક્લીન ચિટ બાદ સૌરાષ્ટ્ર યુનિવર્સિટી સામે થઇ રહ્યા છે અનેક સવાલો
પ્રોફેસરની ઓડિયો ક્લિપ હતી તો પ્રોફેસર શા માટે છુપાય ને ફરતા હતા ?
પ્રોફેસર શા માટે યુનિવર્સિટીના સત્તાધીશો ના ફોન ન હતા કરી રહ્યા રિસીવ ?
ઓડિયો ક્લિપને FSLમાં શા માટે મોકલવામાં ન આવી ?
કુલપતિ સમક્ષ પ્રોફેસરના બચાવમાં આવેલ વિદ્યાર્થીઓએ અવાજ હરેશ ઝાલાનો હોવાની કુલપતિ સમક્ષ કબૂલાત આપી હતી.
પ્રોફેસર હરેશ ઝાલા નશો કરતા હોવાની ટેવ છતાં શા માટે યુનિવર્સિટી આ મામલે કડક કાર્યવાહી નથી કરી રહી.