સૌરાષ્ટ્ર યુનિવર્સિટીમાં B.Comનું પેપર લીક થવા મામલે રાજકોટ પોલીસે ચોંકાવનારા ખુલાસા કર્યા છે. પેપરલીક કેસ પોલીસ 5 કલાકમાં કેસ ઉકેલી લીધો હોવાનો દાવો કરી રહી છે
સૌરાષ્ટ્ર યુનિ.માં પેપરલીક કેસ મામલે ખુલાસા
સૌરાષ્ટ્ર યુનિવર્સિટીમાં B.Comનું પેપર લીક
ક્લાર્ક સહિત 6 સામે નોંધાઇ છે ફરિયાદ
સૌરાષ્ટ્ર યુનિવર્સિટીમાં B.Comનું પેપર લીક થવા મામલે રાજકોટ પોલીસે ચોંકાવનારા ખુલાસા કર્યા છે.રાજકોટના DCPઝોન 2 મનોહરસિંહ જાડેજાએ પત્રકાર પરિષદ કરતા જણાવ્યું કે B.Comનું રાજકોટની ગીતાંજલી કોલેજમાંથી જ પેપર ફૂટ્યું હોવાનું અનુમાન સેવાઈ રહ્યું છે. આ મામલે ક્લાર્ક સહિત 6 શખ્સોની સામે ફરિયાદ નોંધાઈ છે જ્યારે IPC 406 અને 120-બી અને 120-સી હેઠળ ગુનો દાખલ કરવામાં આવ્યો છે. સૌરાષ્ટ્ર યુનિવર્સિટી પેપરલીક કેસ પોલીસ 5 કલાકમાં કેસ ઉકેલી લીધો હોવાનો દાવો કરી રહી છે પોલીસે 6 લોકો સામે FIR દાખલ કરી છે પોલીસનું કહેવું છે કે સોશ્યલ મીડિયા ગ્રુપમાં પેપર અપલોડ થયું હતું. આ પેપર ગીતાંજલી કોલેજમાંથી જ લીક થયું હોવાનું પોલીસનું પ્રાથમિક તારણ છે.
સૌરાષ્ટ્ર યુનિ.માં B.Com સેમેસ્ટર 3નું ઇકોનોમિક્સનું પેપર સમય પહેલા વૉટ્સએપ ગ્રુપમાં વહેતું થયું હોવાનો આરોપ આપ પાર્ટી લગાવી રહી છે. પેપર સવારે 9.11 કલાકે સોશિયલ મીડિયામાં આવી ગયું હતું જેવી રજૂઆત કુલપતિને કરવામાં આવી છે, રહી રહીને જાગેલા સૌરાષ્ટ્ર યુનિ,તંત્રએ મીડિયામાં મામલો આવતા યુનિવર્સિટીના પરીક્ષા ઈન્ચાર્જ ફરિયાદ નોંધાવવા પોલીસ સ્ટેશન દોડી આવ્યા હતા. ફરિયાદને આધારે પોલીસ 6 લોકોની ધરપકડ કરી છે તેમજ લીક પેપરના જરૂરી નમૂના લઈ FSL તપાસ માટે મોકલી દેવામાં આવ્યું છે.
ઇકોનોમિક્સ વિષયનું B.Com સેમ-3નું પેપર ફૂટ્યુ
બીકોમ સેમેસ્ટર 3નું ઇકોનોમિક્સનું પેપર હતું જે સવાર 10 વાગ્યે શરૂ થવાનું હતું પણ 9 વાગ્યે અનેક વોટ્સઅપ ગ્રુપમાં આ પેપર ફરતું થવાના થઈ ગયું હતું. પેપર પહેલાથી જ કોઈએ લીક કરીને સોશિયલ મીડિયામાં વહેતું કર્યું છે. આ અંગે કુલપતિ ડો.નીતિન પેથાણીને રજૂઆત કરવા પહોંચ્યા હતા ત્યારે એવો જવાબ મળ્યો હતો કે તથ્ય હશે તો યોગ્ય કાર્યવાહી થશે. પણ સાંજ સુધી સતત સંપર્કમાં રહ્યા છતાંય કોઈ કાર્યવાહી ન થતાં આખરે અમે મીડિયા સંબોધન કરી સમગ્ર મામલના ઉજાગર કરવાની કોશિશ કરી છે. જો સૌરાષ્ટ્ર યુનિ.માં ઘણી વખત પેપર ફૂટવાના બનાવ બને છે. આગામી દિવસોમાં ગુનેગારો નહીં પકડાય તો ઉગ્ર આંદોલનની ચીમકી પણ આપ દ્વારા ઉચ્ચારવામાં આવી છે.
ફરિયાદ નોંધાતા કાર્યવાહી હાથ ધરાશે
સમગ્ર મામલે ઇન્ચાર્જ રજિસ્ટ્રાર અમિત પારેખે કહ્યું છે કે આજે સવારે સવારના 10થી 12.30 બીકોમ સેમેસ્ટર 3ના ઇકોનોમિક્સ પેપરની પરીક્ષા હતી. ત્યારે એક સંગઠન દ્વારા (આપ) દ્વારા રજૂઆત કરવામાં આવી કે જે પરીક્ષાનું પેપર હતું તે વોટ્સએપમાં ફરતું હતું. પેપર સિક્યુરિટી પ્રેસમાં છપાતા હોય છે, દરેક જિલ્લામાં ડિસ્ટ્રીબ્યુટર સેન્ટર હોય ત્યાં મોકલવામાં આવે છે. અને ત્યાંથી જુદી જુદી કોલેજોમાં મોકલવામાં આવે છે. જેથી પેપર ખરેખર લીક થયું છે કે કેમ તેની ખાતરી કરવા ફરિયાદ નોંધાવવા યુનિ. પોલીસ સ્ટેશન ગયા હતા. ફરિયાદમાં એવું લખવવામાં આવ્યું છે કે પેપર પહેલાથી જ વોટ્સએપમાં ફરતું હતું. પેપર કોણે ફરતું કર્યું તે અંગે ખબર નથી.