રાજકોટ / સૌરાષ્ટ્ર યુનિ.માં ડમી વિદ્યાર્થીકાંડ મુદ્દે વધુ ખુલાસો, પ્રિન્સિપાલ અને કોંગ્રેસ નેતાનો ઓડિયો વાયરલ, જાણો શું છે મિલીભગત

• સૌરાષ્ટ્ર યુનિવર્સિટીમાં BA સેમ-1ની પરીક્ષામાં ડમી વિદ્યાર્થીનો મામલો
• ભાજપના આગેવાન અલ્પેશ ઢોલરીયાના ડમીકાંડમાં વધુ એક ખુલાસો
• સમગ્ર મામલે કોલેજ પ્રિન્સિપલ અને કોંગ્રેસ આગેવાનનો ઓડિયો વાયરલ

સૌરાષ્ટ્ર યુનિવર્સિટીમાં BA સેમ-1ની પરીક્ષામાં ડમી વિદ્યાર્થીના મામલે ભાજપના આગેવાન અલ્પેશ ઢોલરીયાના ડમીકાંડમાં વધુ એક ખુલાસો થયો છે.  એક ઓડિયોમાં કોંગ્રેસ આગેવાન દિનેશ પાતર અને પ્રિન્સિપાલ સહદેવસિંહ ઝાલાનો ઓડિયો વાયરલથયો છે. 

જેમાં ઓડિયો ક્લિપમાં સામે આવ્યું છે જેમાં પ્રિન્સિપાલ જણાવી રહ્યાં છે કે કોપી કેસ માટે દિનેશભાઇને પૂછીને કરો, નહીં જવા દો. જ્યારે પ્રિન્સિપાલ સહદેવસિંહ ઝાલાએ ઇન્ચાર્જ પ્રિન્સિપાલ બી. સી. ઝાલા સાથે વાત કરી. 

આ અગાઉ સૌરાષ્ટ્ર યુનિવર્સિટીની પરીક્ષામાં ડમી વિધાર્થીને બેસાડવાનો મામલે હજુ સુધી કોઇ કાર્યવાહી કરવામાં આવી નથી તેમ જણાવામાં આવ્યું હતું. NSUI દ્વારા CCTV આપ્યા હોવા છતાં પણ કોઇ પગલા લેવામાં આવ્યા નથી. જેમાં ભાજપ આગેવાન અલ્પેશ ઢોલરીયાને બચાવવાના પ્રયાસ કરવામાં આવી રહ્યાં હોય તેવું લાગી રહ્યું છે.

અલ્પેશ ઢોલરીયા દ્વારા ડમી વિદ્યાર્થીને બેસાડવામાં આવ્યો હતો. ત્યારે હવે NSUIએ કોલેજના સંચાલકો સામે પણ કાર્યવાહી કરવાની માગ કરી છે. ત્યારે સમગ્ર મામલે ઢીલીનીતિને લઇ સવાલો ઉઠી રહ્યાં છે. કે સૌરાષ્ટ્ર યુનિવર્સિટીની પરીક્ષામાં ડમી વિદ્યાર્થીને લઇને કાર્યવાહી કેમ નથી કરાઇ? CCTVના પુરાવા છે છતાં પણ સૌરાષ્ટ્ર યુનિવર્સિટીના સંચાલકો કેમ ચૂપ છે?

શું કોઇ દબાણના કારણે સૌરાષ્ટ્ર યુનિવર્સિટી દ્વારા કોઇ પગલા નથી લેવાયા? શું ભાજપ આગેવાન અલ્પેશ ઢોલરીયાને બચાવવાનો પ્રયાસ થઈ રહ્યો છે? આ રીતે ડમી વિદ્યાર્થી પરીક્ષા આપશે તો બીજા હોશિયાર વિદ્યાર્થીઓનું શું થશે?