જૂનાગઢ ખાતે ગોપાલ ઈટાલિયાની હાજરીમાં આંદોલનકારી નેતા પ્રવીણ રામે ખેસ ધારણ કર્યો, પ્રવીણ રામ સફળ આંદોલનકારીની ઓળખ ધરાવે છે
આંદોલકારી પ્રવીણ રામ AAPમાં જોડાયા
જૂનાગઢ ખાતે મનીષ સિસોદિયાની હાજરીમાં ખેસ ધારણ કર્યો
પ્રવીણ રામ સફળ આંદોલનકારી તરીખે ઓળખ ધરાવે છે
આંદોલકારી પ્રવીણ રામ AAPમાં જોડાયા છે. જૂનાગઢ ખાતે ગોપાલ ઈટાલિયાની હાજરીમાં ખેસ ધારણ કર્યો હતો. પ્રવીણ રામ સફળ આંદોલનકારીની ઓળખ ધરાવે છે. પ્રવીણ રામે યુવાઓના મુદ્દે, સરકારી ભરતીઓ મુદ્દે આંદોલન કર્યા હતા. બે દિવસ અગાઉ મહેશ સવાણી AAPમાં જોડાયા હતા. હાર્દિક પટેલ, અલ્પેશ ઠાકોર, જિગ્નેશ મેવાણી બાદ સૌરાષ્ટ્રમાંથી આવતો આ યુવા આંદોલનકારી પણ રાજનીતિમાં પ્રેવેશી ગયા છે. આ પહેલા જ્યારે ગુજરાતમાં જ્યારે રોજગાર અને શિક્ષણ સહિતના મુદ્દે આંદોલનો થતા ત્યારે પ્રવીણ રામ પણ જાણીતું નામ બની ગયું હતું. અલ્પેશ, જિગ્નેશ અને હાર્દિકના રાજનીતિમાં પ્રવેશથી પ્રવીણ રામ પણ કોઈ પાર્ટીમાં જોડાશે. તેવી અટકળો અનેક વખત મીડિયામાં ચાલી છે. પરંતુ આજે એ અટકોળોનો અંત આવી ગયો છે. અને રામે AAP પાર્ટીનો સંગાથ કરી દીધો છે.
અનેક લોકોને ગમશે નહીંઃ પ્રવીણ રામ
જૂનાગઢ ખાતે પ્રવીણ રામે AAPનો ખેસ ધારણ કરતા કહ્યું કે, અનેક લોકોને ગમશે નહીં. પણ મારી પૂરી તૈયારી છે. 2022માં પૂરા જોશ સાથે ગુજરાતમાં AAPની સરકાર બનાવવાનો પ્રયત્ન થશે. પ્રવીણ રામ કઈ પાર્ટીમાં જોડાશે તેને લઈ અનેક અટકળો વર્ષોથી ચાલી રહી હતી. ત્યારે આજે વિધિવત રીતે તેણે ખેસ ધારણ કરી લીધો છે.
શું છે પ્રવીણ રામના પરિવારનું બેકગ્રાઉન્ડ
મૂળ ગીર-સોમનાથ જિલ્લાના તાલાળાના ધૂસિયા ગામનો રહેવાસી પ્રવીણ રામ અનેક આંદોલનમાં વિદ્યાર્થીઓનું નેતૃત્વ કરી ચૂક્યો છે. એક નાના પરિવારમાંથી આવતા પ્રવીણ રામ M.tech સુધી અભ્યાસ કરી ચૂક્યા છે. તેમના પરિવારમાં બે નાના ભાઈ અને માતા-પિતા ખેડૂત છે. 4 વિધામાં ખેતી કરીને પોતાનું રોજગાર ગુજરે છે. જો કે, આટલો ઉચ્ચો અભ્યાસ કરનારા રામે ક્યારેય નોકરી કરી નથી. અને સતત આંદલનો સાથે રહીને ગાંધીનગરમાં વિદ્યાર્થીઓ વચ્ચે જોવા મળે છે.