ચોમાસું / રાજ્યભરમાં સાર્વત્રિક મેઘમહેર, સૌરાષ્ટ્ર-કચ્છ સહિત 53 તાલુકાઓમાં 1થી 4 ઇંચ વરસાદ

હવામાન વિભાગના જણાવ્યા અનુંસાર દક્ષિણ-ઉત્તર ગુજરાત અને પૂર્વ મધ્ય ગુજરાતમાં ભારે વરસાદ થઈ શકે છે. આગામી 5 દિવસ રાજ્યમાં વરસાદી માહોલ રહી શકે છે. બંગાળની ખાડીમાં સાયક્લોનિક સર્ક્યુલેશન સિસ્ટમ સક્રીય થઈ છે. જેના કારણે 26 થી 28 જુલાઈ દરમિયાન રાજ્યમાં ભારે વરસાદ વરસી શકે છે. 

બંગાળની ખાડીમાંથી સર્જાયેલી અપર એરસાયક્લોનિક સિસ્ટમ ગુજરાત તરફ આગળ વધી રહી છે અને 26 જુલાઈથી 29 જુલાઈ સુધી ગુજરાત પર લો-પ્રેસર રહેશે. આ સિસ્ટમના કારણે દક્ષિણ ગુજરાત, મધ્ય ગુજરાત અને ઉત્તર ગુજરાતમાં ભારે વરસાદ થઈ શકે છે. સાથે જ સૌરાષ્ટ્ર અને કચ્છના કેટલાક વિસ્તારોમાં પણ વરસાદ વરસી શકે છે.

રાજ્યમાં સતત ત્રણ દિવસથી મેઘરાજા મન મૂકીને વરસી રહ્યા છે. સૌરાષ્ટ્ર, દક્ષિણ ગુજરાત અને કચ્છમાં નોંધપાત્ર વરસાદ પડ્યો છે. જેમાં તલાલામાં 4 ઇંચ, કોડિનારમાં 2.5 ઈંચ વરસાદ પડ્યો છે. જ્યારે વંથલી, ધોરાજી અને જૂનાગઢમાં 2 ઈંચ વરસાદ વરસ્યો છે. તો ગીર ગઢડા અને વેરાવળમાં 2 ઈંચ વરસાદ નોંધાયો છે. કલ્યાણપુર, મંદરડા અને વઘઈમાં 1.75 ઈંચ વરસાદ પડ્યો છે. જ્યારે વિસાવદર, રાપર, જેતપુર અને સુત્રાપાડામાં એક ઈંચ વરસાદ પડ્યો છે. તો ઉચ્છલ, માંગરોળ, મુંદ્રા અને પોરબંદરમાં એક ઈંચ વરસાદ નોંધાયો છે.

તમને જણાવી દઇએ કે, મુંબઇમાં મોડી રાતથી મુશળધાર વરસાદ વરસાદ પડી રહ્યો છે. ભારે વરસાદના પગલે અનેક વિસ્તારોમાં પાણી ભરાઈ ગયા છે. તો હવામાન વિભાગે હજુ પણ ભારે વરસાદની આગાહી કરી છે.