સમાજને સંગઠિત કરવા અને સમાજના યુવાનોમાં એકતાની ભાવનાનું સિંચન થાય એવા ઉદ્દેશથી શ્રી સૌરાષ્ટ્ર પટેલ સેવા સમાજ અમદાવાદના વડપણમાં સમગ્ર અમદાવાદમાં રહેતા સૌરાષ્ટ્ર કડવા પટેલ સમાજના પરિવારોની ટીમો વચ્ચે યુવા ક્રિકેટ ટુર્નામેન્ટનું આયોજન કરાયું હતું.
યુવા ક્રિકેટ ટુર્નામેન્ટનું આયોજન કરાયું
7 ટીમે લીધો હતો ભાગ
બે દિવસમાં 6 મેચ રમાઇ હતી
એસ.પી. રિંગ રોડ, બોપલ અમદાવાદ ખાતે બે દિવસીય ટુનાર્મેન્ટનું આયોજન કરાયું હતું. આ ટુર્નામેન્ટમાં અમદાવાદ સૌરાષ્ટ્ર કડવા પાટીદાર સમાજના પરિવારોની વિસ્તાર વાઈઝ 7 ટીમે ભાગ લીધો હતો. જેમાં બોપલ, સેટેલાઈટ, નરોડા, મણિનગર, ઓઢવ, ગોતા, બાપુનગરની ટીમોએ ભાગ લીધો હતો.
બે દિવસ શનિ-રવિવારમાં કુલ 6 મેચ રમાઈ હતી. જેમાંથી બોપલ અને મણિનગરની ટીમ ફાઈનલમાં આવી હતી. જેમાંથી મણિનગર ટીમનો બોપલ ટીમ સામે 168 રને વિજય થયો હતો.