નુકસાન / ગુજરાતમાં પડી રહેલા ભારે વરસાદે ખેડૂતોની ચિંતામાં કર્યો વધારો, સૌરાષ્ટ્રમાં લીલા દુષ્કાળનો ભય!

• સૌરાષ્ટ્રમાં લીલા દુષ્કાળનો ભય
• સિઝનનો 134 ટકા વરસાદ થયો
• કપાસ, કઠોળ, ડુંગળીના પાકને ભારે નુકસાન

હાલમાં પડી રહેલા રાજ્યમાં અતિભારે વરસાદના પગલે સૌરાષ્ટ્રમાં પડેલા વરસાદના કારણે લીલા દુષ્કાળની ભીતિ સેવાઇ રહી છે. સૌરાષ્ટ્રમાં સિઝનનો 134 ટકા વરસાદ નોંધાયો છે.
 

સૌરાષ્ટ્રમાં પડેલા અવિરત વરસાદના પગલે કપાસ, તલ, કઠોળ અને ડુંગળીના પાકને ભારે નુકસાન થઇ રહ્યું છે. સૌરાષ્ટ્રમાં સૌથી વધુ દેવભૂમિ દ્વારકામાં 266 ટકા વરસાદ વરસ્યો છે.

 

જ્યારે સૌરાષ્ટ્રના રાજકોટ જિલ્લામાં 129 ટકા વરસાદ નોંધાયો છે. ભારે વરસાદના કારણે ખેતરોમાં પાણી ભરાવાથી પાક નિષ્ફળ જવાની ભીતિ સેવાઇ રહી છે. રાજ્યમાં સૌરાષ્ટ્ર સહિત કચ્છમાં મેઘરાજા મહેરબાન જોવા મળી રહ્યાં છે.