હવામાન જાણકાર અંબાલાલ પટેલે આગાહી કરી છે કે, આગામી 7થી 9 જૂલાઇમાં દક્ષિણ ગુજરાત અને સૌરાષ્ટ્રમાં હળવો વરસાદ પડશે. ગુજરાતમાં 15થી 22 તારીખ વચ્ચે સારો વરસાદ થશે. જ્યારે આગામી 25 તારીખ આસપાસ બંગાળની ખાડીમાં સિસ્ટમ બનશે અને મોડું ચોમાસુ ઉત્તર ગુજરાત, મધ્ય ગુજરાતમાં વરસાદ લાવશે. જ્યારે દેશના પશ્ચિમ ભાગોમાં વરસાદની ખેંચ રહેશે. અને એક સપ્તાહ બાદ અમદાવાદમાં સારો વરસાદ થશે.
તમને જણાવીએ કે, દક્ષિણ ગુજરાતમાં મોડી રાતથી ધોધમાર વરસાદ પડી રહ્યો છે. ખાસ કરીને વાપી, વલસાડ અને નવસારી જીલ્લામાં મોડી રાતથી મેધરાજા ધમાકેદાર બેટિંગ કરી રહ્યા છે. ભારે વરસાદના પગલે અનેક વિસ્તારો જળબંબાકાર થયા છે. જ્યારે નદીઓ ગાડીંતૂર થઈ છે. તો ડેમોની જળસપાટીમાં પણ વધારો થયો છે.