અહેવાલ / સાઉદીના પ્રિન્સે એવું કર્યું કે ઈમરાન ખાનની ફજેતી થઈ, રસ્તા વચ્ચેથી...

• પાકિસ્તાનના સાપ્તાહિકનો અહેવાલ
• સાઉદી અરબના પ્રિન્સે ઇમરાન માટે મોકલેલ વિમાન પરત બોલાવ્યું

નોંધનીય છે કે, પ્રિન્સ સલમાને ગયા મહિને ન્યૂયોર્કમાં યોજાયેલ યુનાઇટેડ નેશન્સ જનરલ એસેમ્બલી (UNGA) ના 74 માં અધિવેશનમાં હાજરી આપવા અને એક સપ્તાહની મુસાફરી પર અમેરિકા જવા માટે વડા પ્રધાન ઇમરાન ખાનને તેમનું અંગત વિમાન પૂરું પાડ્યું હતું. 

ઇમરાન ખાનના વિમાનમાં સર્જાઇ હતી ખામી 

ઇમરાન ખાન રિયાદ ગયા અને તેમણે અમેરિકા જતા પહેલા સલમાન સાથે વાત કરી હતી. સમાચારો સામે આવ્યા હતા કે 28 સપ્ટેમ્બપના રોજ ન્યૂયોર્કથી ઇસ્લામાબાદ પરત ફરતી વખતે પ્રધાનમંત્રી ઇમરાન ખાનના વિમાન ટેકનિકલ ખામી સર્જાઇ હતી. જેના કારણે પ્રધાનમંત્રી અને તેમના પ્રતિનિધિ મંડળને ન્યૂયોર્ક પરત ફરવું પડ્યું અને પાકિસ્તાન જવા માટે ખાનગી ફ્લાઇટનો ઉપયોગ કરવો પડ્યો હતો. 

ધ ફ્રાઇડે ટાઇમ્સમાં પ્રસિદ્ધ થયો અહેવાલ

સાપ્તાહિક અખબાર 'ધ ફ્રાઇડે ટાઇમ્સ'ના અહેલા અનુસાર વલી અહદે પોતાનું વિમાન પરત બોલાવી લીધું છે કારણે કારણે ખાનની કેટલીક હરકતોથી ખુશ નહોતા તેઓ. સંપાદકીય લેખમાં લખ્યું કે, ન્યૂયોર્કમાં પાકિસ્તાનના પ્રધાનમંત્રીની કુટનીતીની કેટલીક બાબતોને કારણે વલી અહદ મોહમ્મદ બિન સલમાન ગિન્નાયા હતા અને પાકિસ્તાની પ્રતિનિધિ મંડળને પોતાના વિમાનમાંથી ઉતારીને જાહેરમાં ઇમરાન ખાનની આબરુના ધજાગરા કર્યા હતા. 

અહેવાલને નકારવામાં આવ્યો 

પાકિસ્તાન સરકારના અખબારમાં પ્રકાશિત અહેવાલને નકારવામાં આવી રહ્યો છે. પાકિસ્તાન સરકારના એક પ્રવક્તાએ નિવેદન આપતા કહ્યું કે, આ અહેવાલ એકદમ ખોટો છે અને તેમાં સહેજ પણ સચ્ચાઇ નથી. શુક્રવારે પ્રસિદ્ધ થયેલ લેખમાં દાવો કરવામાં આવ્યો છે કે, ખાનની યાત્રામાં કેટલાક એવા પરિણામ પણ હતા જેની આશા નહોંતી.