રાષ્ટ્રપતિ ભવનમાં સ્વાગત બાદ સાઉદી પ્રિન્સે કહ્યું PM મોદી મારા મોટા ભાઇ

સાઉદી અરબના ક્રાઉન પ્રિન્સ મોહમ્મદ બિન સલમાન બે દિવસ માટે ભારતના પ્રવાસે આવી પહોંચ્યા છે. વડાપ્રધાન નરેન્દ્ર મોદીએ એરપોર્ટ પર ભવ્ય સ્વાગત્ કર્યું હતું. જ્યારે આજે રાષ્ટ્રપતિ ભવનમાં ક્રાઉન પ્રિન્સનું સ્વાગત્ કરવામાં આવ્યું છે.

UAEના ક્રાઉન પ્રિન્સની આ મુલાકાત ખાસ છે. બે દિવસીય ભારત પ્રવાસે સાઉદી અરબના પ્રિન્સ મોહમ્મદ બિન સલમાન પહોંચ્યા છે. રાષ્ટ્રપતિ ભવનમાં વડાપ્રધાન નરેન્દ્ર મોદીએ સાઉદીના પ્રિન્સનું ગળે લગાવી સ્વાગત કર્યું.

અહીં મીડિયાને સંબોધન કરતાં યુએઇના પ્રિન્સે કહ્યું કે વડાપ્રધાન નરેન્દ્ર મોદી મારા મોટા ભાઇ સમાન છે અને હું તેમનો નાનો ભાઇ છું. રાષ્ટ્રપતિ ભવન ખાતે પ્રિન્સ મહોમ્મદ બિન સલમાને કહ્યું કે અમે ઇચ્છીએ છીએ કે બંને દેશો વચ્ચે સંબંધ વધુ આગળ વધે.

સાઉદી અરબના પ્રિન્સને રાષ્ટ્રપતિ ભવન ખાતે ગાર્ડ ઓફ ઓનર આપવામાં આવ્યું હતું. જ્યાં વડાપ્રધાન નરેન્દ્ર મોદી અને રાષ્ટ્રપતિ રામનાથ કોવિંદે પ્રિન્સ સલમાનનું સ્વાગત કર્યું હતું.  ઉલ્લેખનીય છે કે ભારત માટે સઉદી અરબ એક મહત્વપૂર્ણ પાર્ટનર છે.

ભારતમાં ઉપયોગમાં લેવામાં આવતા ક્રુડ ઓઇલ અને એલપીજીની ડિમાન્ડ સૌથી વધારે સાઉદી અરબમાંથી પુરી કરવામાં આવે છે. સાઉદી અરબ તરફથી ભારતમાં 17 ટકા ક્રુડ ઓઈલ અને 32 ટકા LPGની ડિમાન્ડ પૂરી કરવામાં આવી છે.

ઉલ્લેખનીય છે કે પુલવામા હુમલા બાદ તેની નિંદા કરતા સાઉદી અરબ દ્વારા નિવેદન આપવામાં આવ્યું હતું કે છેલ્લા કેટલાક વર્ષોથી આતંકવાદ અને જમ્મુ-કાશ્મીરને લઇને સાઉદી અરબની સમજણમાં બદલાવ આવ્યો છે. પાકિસ્તાન જે કહીં રહ્યું છે તેનો સાઉદી સંપૂર્ણ સ્વીકાર કરતું નથી.