ક્રિસ્ટિયાનો રોનાલ્ડો સાઉદી અરબ ફૂટબોલ ટીમ સાથે જોડાયા બાદ એશિયન દેશમાં સનસનાટી મચી ગઈ છે. અલ હિલાલે આ યોજના તેની કટ્ટર હરીફ અલ નાસર દ્વારા રોનાલ્ડોને ખરીદ્યા બાદ બનાવી છે.
રોનાલ્ડો સાઉદી અરબ ફૂટબોલ ટીમ સાથે જોડાયો
ફૂટબોલ ક્લબ અલહિલાલે લિયોનેલ મેસીને સાઈન કરવા ઈચ્છે છે
અલ નાસર દ્વારા રોનાલ્ડોને ખરીદ્યા બાદ અલ હિલાલે બનાવી યોજના
ક્રિસ્ટિયાનો રોનાલ્ડો સાઉદી અરબ ફૂટબોલ ટીમ સાથે જોડાયા બાદ એશિયન દેશમાં સનસનાટી મચી ગઈ છે. એક અહેવાલ પ્રમાણે સાઉદી અરબની ફૂટબોલ ક્લબ અલ હિલાલ આર્જેન્ટિનાના સુપરસ્ટાર લિયોનેલ મેસીને કોઈ પણ સંજોગોમાં સાઇન કરવા ઇચ્છે છે. એવું માનવામાં આવી રહ્યું છે કે અલ હિલાલે આ યોજના તેની કટ્ટર હરીફ અલ નાસર દ્વારા રોનાલ્ડોને ખરીદ્યા બાદ બનાવી છે.
સ્પેનના મીડિયા અનુસાર અલ હિલાલ બહુ જલદી મેદાનમાં રોનાલ્ડોનો હરીફ રહેલા મેસીને સાઇન કરીને સાઉદી અરબની લીગ સાથે જોડવા ઇચ્છે છે. આ વાત માનવામાં આવે તો મેસીને ૩૦૦ મિલિયન યુએસ ડોલરની ફી ચૂકવવા તૈયાર છે. આ રકમ રોનાલ્ડોની અલ નાસર સાથેની ડીલ કરતાં ઘણી મોટી છે.
First game, first win - well done guys 🙌🏻 Thanks to all the fans for incredible support. 💙💛 pic.twitter.com/vmgwE8TgVo
અહેવાલો અનુસાર સાઉદી અરબની સસરકાર મેસી સાથે ડીલ કરવામાં અલ હિલાલ ક્લબની મદદ કરશે. સાઉદી અરબ ઇચ્છે છે કે રોનાલ્ડો બાદ મેસી પણ ગલ્ફ કન્ટ્રી સાથે જોડાય તો સ્થાનિક ફૂટબોલ અને તેની સાથે જોડાયેલા ઇન્ફ્રાસ્ટ્રક્ચરને પ્રોત્સાહન મળશે. ઉલ્લેખનીય છે કે સાઉદી અરબની ટીમ યજમાન ફિફા વર્લ્ડકપ-૨૦૨૨માં પણ રમી હતી. આ ટૂર્નામેન્ટમાં વર્લ્ડ ચેમ્પિયન બનેલી આર્જેન્ટિનાની ટીમને ગ્રૂપ સ્ટેજમાં હરાવીને સનસનાટી મચાવી દીધી હતી. ખાસ વાત છે કે સાઉદી સરકાર પહેલાથી જ મેસી સાથે જોડાયેલી છે. આર્જેન્ટિનાનાે કેપ્ટન મેસી આ દેશનો ટૂરીઝમ એમ્બેસેડર છે.
જો આ સમાચાર હકીકતમાં બદલાઈ જાય તો ફૂટબોલ ચાહકોને મેસી અને રોનાલ્ડોની ટક્કર જોવા મળી શકે છે. આ પહેલાં યુરોપિયન ફૂટબોલમાં રોનાલ્ડો રિયાલ મેડ્રિડ અને મેસી બાર્સેલોના તરફથી રમતા હતા.