વિશ્વભરમાં ઘણી કંપની છે જે કરોડો અને અન્જોનો વેપાર કરે છે. કેટલીક કંપનીનાં કારોબાર તો નાના દેશોની GDP કરતા પણ વધુ છે. આ કંપનીઓ મિનિટોમાં જ અબજોનો વેપાર કરી નાખે છે. ફોર્ચ્યુન ગ્લોબલ 500ની લીસ્ટ મુજબ દુનિયામાં સૌથી વધારે કમાણી કરનાર કંપની સાઉદી અરબની સાઉદી અરામકો છે. અરામકો એક દિવસમાં લગભગ 21.58 અબજથી વધુ કમાણી કરે છે.
સાઉદી અરામકો દુનિયામાં સૌથી વધુ કમાણી કરતી કંપની
સાઉદી અરામકો એક મિનીટમાં લગભગ 15 કરોડ જેટલા કમાય છે
ફોર્ચ્યુન ગ્લોબલ 500ની લીસ્ટમાં એપલ બીજા સ્થાને
સાઉદી અરામકૉ દુનિયાની સૌથી મોટી નોંધાયેલી કંપની છે. સાઉદીનાં શેર બજારમાં નોંધણી થતાંની સાથે જ કંપનીની વેલ્યુએશનમાં ખુબ વધારો થયો હતો. દુનિયાની સૌથી મોટી કંપની બન્યા બાદ હાલ આ કંપની સૌથી વધારે કમાણી કરતી કંપની પણ બની ગઈ છે. સાઉદી અરબ સરકારી પેટ્રોલીયમ કંપની સાઉદી અરામકોનાં શેર 10 ટકા પ્રીમીયમ પર 35.20 રીયાલની કિંમત પર લીસ્ટ થયા. આખી દુનિયામાં એવી કંપનીઓ છે જે કરોડો અને અબજોનો વેપાર કરે છે જે નાના દેશોની GDP કરતા વધારે છે.
કંપનીની કુલ માર્કેટ કેપ 1.88 ટ્રીલીયન ડોલર
ફોર્ચ્યુન ગ્લોબલ 500ની લીસ્ટ મુજબ દુનિયામાં સૌથી વધારે કમાણી કરનાર કંપની સાઉદી અરબની સાઉદી અરામકો છે. અરામકો એક દિવસમાં લગભગ 21.58 અબજથી વધુ કમાણી કરે છે. કંપનીની કુલ માર્કેટ કેપ 1.88 ટ્રીલીયન ડોલર છે. કંપનીની આ કમાણી વાર્ષિક કમાણી પર આધાર પર કરવામાં આવી છે. અરામકો એક દિવસમાં લગભગ 21.58 અબજ કમાય છે જ્યાં કંપની એક મિનીટમાં લગભગ 15 કરોડ જેટલા કમાય છે. કંપનીની વેલ્યુએશન માઈક્રોસોફ્ટ અને એપલ કંપની કરતા પણ ખુબ વધારે છે.
જેફ બેજોસની નેટવર્થ 109.3 અબજ ડોલર
કમાણીની વાત કરીએ તો સાઉદી અરામકો દુનિયામાં સૌથી વધુ કમાણી કરતી કંપની છે. ગયા વર્ષે કંપનીએ કુલ 110 અબજ ડોલરની કમાણી કરી હતી. એટલે કહી શકાય કે કંપનીનું કુલ કમાણી વર્તમાનમાં સૌથી ધનિક વ્યક્તિ જેફ બેજોસની કુલ નેટવર્થ જેટલી છે. વર્તમાનમાં જેફ બેજોસની નેટવર્થ 109.3 અબજ ડોલર છે.
એપલ છે બીજા નંબરની સૌથી વધુ કમાણી કરતી કંપની
દુનિયાની સૌથી મોટી કંપનીમાં ટેક કંપની એપલનો પણ સમાવેશ થાય છે. ફોર્ચ્યુન ગ્લોબલ 500ની લીસ્ટમાં એપલ બીજા સ્થાને છે. કંપની એક દિવસમાં 11.16 અબજ રૂપિયા કમાય છે. એક મિનીટમાં એપલ 80.63 લાખ રૂપિયાથી વધારેની કમાણી થાય છે.
ત્રીજા નંબર પર ચીનની કંપની
ફોર્ચ્યુન ગ્લોબલ 500 મુજબ સૌથી વધારે કમાણી કરતી કંપનીમાં ત્રીજા નંબર પર ઇન્ડસ્ટ્રીઅલ એન્ડ કોમર્શીયલ બેંક ઓફ ચાઈનાનું નામ આવે છે. કંપનીની માર્કેટ કેપ 61.88 અબજ ડોલર છે. ફોર્ચ્યુન ગ્લોબલ 500ની લીસ્ટમાં ચોથા નંબર પર સાઉથ કોરિયાની કંપની સેમસંગનું નામ આવે છે જે દર મિનીટે 54.03 લાખ અને એક દિવસમાં 7.78 અબજ રૂપિયાની કમાણી કરે છે. જ્યાં બીજી તરફ પાંચમાં નંબરે ચાઈના કન્સ્ટ્રકશન બેંક આવે છે. આ કંપની એક મિનીટ,આ 52.14 લાખ રૂપિયા કમાય છે.