બિઝનેસ / વિશ્વની સૌથી નફાકારક કંપની સાઉદી આરામકોના IPO ખુલવાની તારીખ થઇ ગઈ છે જાહેર 

આખરે લાંબી પ્રતીક્ષા બાદ સાઉદી અરામકોના આઇપીઓની જાહેરાત થઇ ગઇ છે. દુનિયાનો સૌથી મોટો મનાતો પબ્લિક ઈશ્યૂ ૧૭ નવેમ્બરે ખૂલશે અને ૪ ડિસેમ્બરે બંધ થશે. 

ઈશ્યૂની પ્રાઈઝ હજી નક્કી થઇ નથી

જોકે કંપનીએ ૬૫૮ પાનાંના પ્રોસ્પેક્ટ્સમાં ઈશ્યૂની સાઇઝ અને ઈશ્યૂની પ્રાઇસને લઇને કોઇ જાણકારી આપી નથી. પ્રોસ્પેક્ટ્સ અનુસાર ઇશ્યૂની પ્રાઇસ ૫ ડિસેમ્બરે નક્કી થશે. 

ઇન્ડિવિજ્યુઅલ રોકાણકારો માટે કુલ ૦.૫ ટકા શેર ઈશ્યૂ કરવામાં આવશે, જોકે કંપનીએ મોટા ઇન્સ્ટિટ્યૂશન ઈન્વેસ્ટર્સને વેચાણ માટે શેરની ટકાવારી હજુ નક્કી કરી નથી. 
સાઉદી અરામકોએ આઇપીઓ માટે સિટી બેન્ક, એચએસબીસી અને ક્રેડિટ સૂઇસને ફાઇનાન્શિયલ એડવાઇઝર અને બુક રનિંગ મેનેજર બનાવેલ છે.

સૌથી નફાકારક કંપની છે અરામકો

સાઉદી અરામકો દુનિયાની સૌથી વધુ નફો કરતી કંપની છે. તે સાઉદી અરેબિયાના રાજ્યના રાજપરિવારની માલિકીની છે. દુનિયાની ક્રૂડ ઓઇલની જરૂરિયાતના ૧૦ ટકા હિસ્સો આ કંપની પૂરો પાડે છે. 

અત્યાર સુધી દુનિયાનો સૌથી મોટો આઇપીઓ લાવવાનો રેકોર્ડ ચીનની ઇ-કોમર્સ કંપની અલીબાબાના નામે છે.