નિર્ણય / પેટ્રોલના ભાવમાં માંડ રાહત મળી ત્યાં ફરી ખરાબ સમાચાર, સાઉદી અરબે લીધેલા નિર્ણયથી જોરદાર ઝટકો 

• સાઉદી અરબે જુલાઈમાં ક્રુડ ઓઈલના ભાવમાં કર્યો વધારો
• અરબ લાઈટ ક્રુડમાં 1 ડોલર પ્રતિ બેરલની કિંમતમાં કર્યો વધારો 
• સાઉદી અરબના આ નિર્ણયને લઈને ભારત માટે પણ ઝટકો   

દુનિયાભરમાં ક્રુડ ઓઈલનો સૌથી વધુ નિકાસ કરનાર સાઉદી અરબે એશિયાઈ ખરીદદારો માટે ક્રુડ ઓઈલની કિંમતોમાં ધારણા કરતાં ઘણો વધારો કર્યો છે.  જુલાઈ મહિના માટે ક્રુડ ઓઈલની કિંમતોમાં આ વધારો ઉનાળામાં તેલની વધુ માંગને ધ્યાનમાં રાખી કરવામાં આવ્યો છે. સાઉદી અરબના આ નિર્ણયને લઈને ભારત માટે પણ ઝટકો  માનવામાં આવી રહ્યો છે. ભારત સાઉદી અરેબિયાથી મોટા પ્રમાણમાં તેલની આયાત કરે છે. જુલાઈમાં એશિયન દેશો માટે અરબ લાઈટ ક્રુડ ઓઈલની સત્તાવાર વેચાણ કિંમત જૂનની તુલનામાં 2.1 ડોલર પ્રતિ બેરલ વધારવામાં આવી છે. 

ક્રુડ ઓઈલમાં બજારના નિષ્ણાંતોના અનુમાન કરતાં પણ વધુ

આ વધારો મોટાભાગના બજારના નિષ્ણાંતો દ્વારા કરવામાં આવેલી આગાહી કરતાં ઘણો વધારે છે. મોટાભાગના નિષ્ણાંતોએ  ક્રુડ ઓઈલના ભાવમાં 1.5 ડોલરનો વધારો થવાની આગાહી કરી હતી. એક અહેવાલ અનુસાર 6માંથી માત્ર એક વ્યક્તિએ ક્રુડ ઓઈલના ભાવમાં બે ડોલરના ઉછાળાની આગાહી કરી હતી. એશિયાના એક તેલના ટ્રેડરે કહ્યું હતું કે, કાચા તેલની કિંમતોમાં આટલો બધો વધારાનો અંદાજો ન હતો. વિશેષ રૂપથી અરબ લાઈટ ક્રુડની કિંમતમાં અમે આ નિર્ણયથી હેરાન છે. 

વિશ્વની સૌથી મોટી ઓઇલ કંપની સાઉદી અરામકોએ આ વધારો કર્યો છે. 

ઓપેક પ્લસ દેશો વચ્ચે જુલાઈમાં ઓઈલ ઉત્પાદનમાં 648,000 બેરલ પ્રતિદિન વધારો કરવા માટે થયેલી સમજૂતી છતાં આ નિર્ણય લેવામાં આવ્યો છે. જો કે, ઓપેક પ્લસ સભ્ય દેશો જેવા કે રશિયા, અંગોલા અને નાઈજીરિયાને તેલ ઉત્પાદનના લક્ષ્યાંકને પહોંચી વળવામાં મુશ્કેલી પડે છે. ઓપેક પ્લસ દેશોને જુલાઈ અને ઓગસ્ટમાં તેલ ઉત્પાદન લક્ષ્યો સુધી પહોંચવામાં સમસ્યા આવી શરે છે.

ભારત અને ચીને ભારે ડિસ્કાઉન્ટ પર ખરીદતું હતું રશિયન ઓઈલ 

જો કે, આ દરમિયાન ભારત અને ચીન સતત રશિયન તેલ ખરીદી રહ્યાં છે. આ દેશોએ યુક્રેન પર તેના હુમલાને લઈને રશિયા સામે કોઈ પ્રતિબંધ લાદવાનો ઈન્કાર કર્યો હતો. ભારત અને ચીન ભારે ડિસ્કાઉન્ટ પર રશિયન તેલ ખરીદી રહ્યાં છે.સાઉદી અરામકોએ રવિવારે રાત્રે યુરોપિયન અને ભૂમધ્ય દેશઓ માટે ક્રુડ ઓઈલના ભાવમાં વધારો કર્યો છે. અમેરિકા માટે કાચા તેલની કિંમતનોમાં કોઈ ફેરફાર કરવામાં આવ્યો નથી.