નિર્ણય / સાઉદી અરેબિયામાં આજથી કરવામાં આવ્યો આ મોટો બદલાવ : એક કરોડ પ્રવાસી ભારતીયોને થશે ફાયદો

• આજથી કફાલા સિસ્ટમ સમાપ્ત
• કફાલા સ્પોન્સરશિપ સિસ્ટમ લાગુ
• 1 કરોડથી વધુ પ્રવાસી શ્રમિકને લાભ

સઉદી અરબમાં કફાલા સિસ્ટમની કડક જોગવાઈઓ સમાપ્ત

સાઉદી અરેબિયામાં કામ કરી રહેલા ભારતીય કારીગરો માટે સારા સમાચાર સામે આવી રહ્યા છે. સાઉદી અરેબિયામાં આજથી નિયમોમાં જે ફેરફાર કરવામાં આવ્યા છે તેનાથી ત્યાં કામ કરી રહેલા લાખો ભારતીયોને ફાયદો મળવાનો છે. હવે સાઉદી અરબમાં ભારતીય કારીગરો સહિતના એક કરોડથી વધારે પ્રવાસી શ્રમિકો પોતાની મરજીથી નોકરી બદલી શકશે. સાથે જ પોતાની મરજીથી દેશ આવી શકશે. 

1 કરોડથી વધુ પ્રવાસી શ્રમિકોને મળશે ફાયદો

ગયા વર્ષે નવેંબર મહિનામાં કફાલા સિસ્ટમમાં ફેરફાર કરીને કફાલા સ્પોન્સરશીપ સિસ્ટમ લાગુ કરવાનો વાયદો કરમાં આવ્યો હતો જે રવિવારે લાગુ કરવામાં આવ્યો છે. સઉદી અરબમાં કફાલા સિસ્ટમની કડક જોગવાઈઓ આજથી સમાપ્ત થઈ જશે. આજથી કફાલા સ્પોન્સરશિપ સિસ્ટમ લાગુ કરી દેવાઈ છે. 

હવે પ્રવાસી શ્રમિક પોતાની મરજીથી બદલી શકશે નોકરી

આ સિસ્ટમથી હવે 1 કરોડથી વધુ પ્રવાસી શ્રમિકોને ફાયદો મળશે. હવે પ્રવાસી શ્રમિક પોતાની મરજીથી નોકરી બદલી શકશે. પોતાની મરજીથી પોતાના દેશમાં પણ જઈ શકશે.. આ સિસ્ટમ લાગુ થતા લાખો ભારતીયોને ફાયદો મળશે. શ્રમિક સરકારી સેવાઓ માટે આવેદન પણ કરી શકશે. કંપનીના માલિકો સાથે જે પણ કોન્ટ્રાક્ટ થશે તે ઓનલાઈન રહેશે. શ્રમિકો માટે સારું વાતાવરણ ઉભુ કરવા માટે પણ પ્રયાસ  થઈ રહ્યો છે.

શ્રમિકો માટે સારું વાતાવરણ ઉભુ કરવાનો પ્રયાસ

સાઉદી અરેબિયાના માનવ સંસાધન મંત્રાલયના અપમંત્રી અબ્દુલ્લાહ બિન નસીર અબુથુનાયને કહ્યું હતું કે અમે દેશમાં એક સારું શ્રમ બજાર બનાવવા માંગીએ છે જેથી શ્રમિકો માટે એક માહોલ તૈયાર થાય. શ્રમ કાયદામાં ફેરફાર કરવાથી વિઝન 2030ના ઉદ્દેશોને હાંસલ કરવામાં મદદ મળશે. નોંધનીય છે કે વિઝન 2030 અનુસાર સાઉદી અરેબિયા તેલ પરથી પોતાની નિર્ભરતા ઓછી કરીને બીજા ક્ષેત્રોમાં પણ આગળ વધવા માંગે છે.