ભારત અને મિડલ ઇસ્ટના પ્રમુખ દેશ સાઉદી અરેબિયા વચ્ચે હાલના દિવસોમાં સંબંધોમાં બધુ ઠીક નથી, એવું જણાઈ રહ્યું છે.
ભારતને નથી સ્વીકાર કોઈની પણ જોહુકમી
મોદી સરકારે દેશની રિફાઇનરીઓને આપ્યો નિર્દેશ
મધ્યપૂર્વ પર નિર્ભરતા ઘટાડવા મોદી સરકારની વ્યૂહરચના
નોંધનીય છે કે ભારતમાં હાલમાં પેટ્રોલ-ડીઝલની વધી રહેલી કિંમતોના લીધે મોદી સરકાર પર દબાણ વધ્યું હતું, જેને લઈને મોદી સરકારના પેટ્રોલિયમ મંત્રાલય દ્વારા ઓપેક અને સાઉદી અરેબિયા સહિતના ક્રૂડ ઉત્પાદક દેશોને પ્રોડક્શન વધારવાની વિનંતી કરાઇ હતી, જેનો સાઉદીના મંત્રીએ કડક જવાબ વાળ્યા પછી ભારત અને સાઉદીના સંબંધોમાં ઓટ દેખાઈ રહી છે.
સાઉદીના મંત્રીએ ભારતને આપી હતી સલાહ
ભારતે તેના તેલ ઉત્પાદક એકમોને ઉત્પાદન વધારવાની સૂચના આપી છે, જેને મિડલ ઈસ્ટ પર તેની નિર્ભરતા ઓછી કરવાના સંકેત તરીકે જોવામાં આવે છે, ભારતના સ્ટ્રેટેજિક ઓઇલ રિઝર્વના સસ્તા ક્રૂડને ઉપયોગમાં લેવાની સાઉદીના મંત્રીની સલાહ પછી ભારત અને સાઉદીના સંબંધોમાં થોડી ઉષ્મા ઘટી હોય એવું લાગી રહ્યું છે, હવે આના જવાબમાં અને મિડલ ઈસ્ટ પર પોતાની નિર્ભરતા ઘટાડવાને લઈને ભરત સરકારની યોજના દર મહિને તેલ ઇમ્પોર્ટમાં ચોથા ભાગનો ઘટાડો લાવવાની છે, એવું ન્યૂઝ એજન્સી રોઇટર્સના સૂત્રોએ જણાવ્યું હતું.
મહત્વનું છે કે કેન્દ્રીય પેટ્રોલિયમ સચિવ તરુણ કપૂરે એક નિવેદનમાં કહ્યું કે ભારતે રાજ્યોમાં સ્થિત રિફાઇનરીઓને ક્રૂડ ઉત્પાદકોની સાથે સંયુક્ત વાતચીત કરવાનું કહ્યું છે, જેનાથી એક સારી ડીલ કરી શકાય, પરંતુ સાઉદીથી તેલની આયાતમાં ઘટાડો કરવા પર કોઈ ટિપ્પણી કરવાનો તેમણે ઇન્કાર કરી દીધો, પણ એટલું કહ્યું કે ભારત એક મોટું બજાર છે, માટે તેલ વિક્રેતાઓને અમારા દેશની માંગણીની સાથે જ લાંબા ગાળાના સંબંધોને અક્ષુણ્ણ બનાવી રાખવાના વિષયમાં સતર્ક રહેવું પડશે. આ જ સમયે સાઉદી સરકારી તેલ ઉત્પાદક કંપની અરામકો અને સાઉદી ઉર્જા મંત્રાલયે આ વિષે કશું પણ કહેવાનો ઇનકાર કરી દીધો છે.
ભારત એક સમયે સફળ રહ્યું હતું પણ...
મહત્વનું છે કે આ મામલે ભારત સરકાર મધ્ય પૂર્વ પર પોતાની નિર્ભરતા જે 2016માં 64 ટકા હતીને તેને 2019માં 60 સુધી કરી શકવામાં સફળ થયું હતું, પણ પછીથી કોરોનામાં આ ટ્રેન્ડ વધુ આગળ ધપી શક્યો નહોતો, જો કે હવે ભારતે આફ્રિકા, રશિયા, અમેરિકા અને લેટિન અમેરિકા તેમ જ મધ્ય પૂર્વમાં અન્ય વિકલ્પો જેવા કે ઈરાન અને UAE ભણી નજર ફેરવી શકે છે, અને જો ભારત આ કરી શકવામાં સક્ષમ નીવડે છે, તો ભારત અન્ય દેશો માટે એક ઉદાહરણ પૂરું પાડશે.