IPLIN
 

OIC બેઠક / કાશ્મીર મુદ્દે સાઉદી બોલાવશે IOCની બેઠક, ભારત સાથેના સંબંધો વણસી શકે છે

Team VTV 05:24 PM, 29 Dec 19
Follow us
Saudi arabia host oic meeting on kashmir issue india pakistan

OICનું આગામી સંમેલન સાઉદી અરબમાં મળશે. કશ્મીરના મુખ્ય મુદ્દા પર પ્રતિનિધીઓ ચર્ચા કરશે. આ OICએ ઈસ્લામિક રાષ્ટ્રોનું સહયોગી સંગઠન છે. પાકિસ્તાનના દબાણથી OICમાં કશ્મીર પર ચર્ચા થશે. માનવામાં આવી રહ્યું છે કે આ બેઠકથી આ ખાડીના દેશ અને ભારતના સંબંધોમાં તિરાડ પડી શકે છે.

  • કાશ્મીરના મુખ્ય મુદ્દા પર પ્રતિનિધીઓ કરશે ચર્ચા
  • ઈસ્લામિક રાષ્ટ્રોનું સહયોગી સંગઠન છે OIC
  • પાકિસ્તાનના દબાણથી OICમાં થશે કાશ્મીર પર ચર્ચા

સાઉદીમાં યોજાનાર OIC (Organisation of Islamic Cooperation) સંગઠનમાં ઈસ્લામિક રાષ્ટ્રોના વિદેશમંત્રીઓ મળશે. આ સંમેલનની નિશ્ચિત તારીખો હજુ સુધી અંગે કોઇ સ્પષ્ટતા થઇ નથી. અગાઉ સાઉદી અરબના વિદેશમંત્રીએ પાકિસ્તાનની મુલાકાત કરી હતી. આ મુલાકાત દરમિયાન પાકિસ્તાને કશ્મીર મુદ્દો ઉછાળ્યો હતો. CAA, NRC અને જમ્મુ કશ્મીરનો મુદ્દો બેઠકમાં ઉછળ્યો હતો. કશ્મીર મુદ્દા પર OICની ભૂમિકા પર પણ ચર્ચા થઈ હતી.

ઉલ્લેખનીય છે કે, ગત OIC બેઠક અબુ ધાબીમાં યોજાઈ હતી. મુસ્લિમ વસતીની દ્રષ્ટિથી દુનિયાનો ત્રીજો સૌથી મોટો દેશ ભારત છે. ભારત ન તો OICનો સભ્ય છે અને ન તો તેના સંગઠને પર્યવેક્ષક રાષ્ટ્રનો દરજ્જો આપ્યો છે. તેમ છતા આ બેઠક માટે ભારતીય વિદેશ મંત્રી સુષ્મા સ્વરાજને આમંત્રણ આપવામાં આવ્યુ હતું. જેના કારણે આ બેઠકનો પાકિસ્તાન વિદેશમંત્રી મહેમુદ કુરેશીએ બહિષ્કાર કર્યો હતો. 

Saudi Arabia kashmir India pakistan પાકિસ્તાન સાઉદી અરબ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ