UAE / સાઉદી અરબે પહેલીવાર કર્યું એવું કામ કે નારાજ થઈ ગયા દુનિયાભરના મુસ્લિમ, લોકોએ કહ્યું-કયામત નજીક છે

• સાઉદી અરેબિયામાં પહેલીવાર હેલોવીનની ઉજવણી
• લોકોમાં જોવા મળ્યો મિશ્ર પ્રતિશાદ 
• ઘણા લોકોએ કહ્યું UAE માં બદલાવ આવી રહ્યો છે

સાઉદી અરેબિયા પોતાની રૂઢિચુસ્ત દેશની ઈમેજને ખતમ કરવાના તમામ પ્રયાસો કરી રહ્યું છે. ઈતિહાસમાં પ્રથમ વખત સાઉદી અરેબિયામાં હેલોવીનનો તહેવાર ઉજવવામાં આવ્યો છે. આ તહેવારમાં, ડરામણા પોશાક પહેરેલા લોકો મજા માણે છે અને રાજધાની રિયાધના કાર્યક્રમમાં ભાગ લે છે. આ તહેવાર ગુરુવાર અને શુક્રવારે ઉજવવામાં આવ્યો હતો, જેની તસવીરો આખી દુનિયામાં જોવા મળી રહી છે. પરંતુ આ તસવીરો સામે આવ્યા બાદ કેટલાક લોકો ખુશ દેખાયા ન હતા. સોશિયલ મીડિયા પર ઘણા લોકોએ તેને ઈસ્લામ વિરુદ્ધ ગણાવીને પોતાની પ્રતિક્રિયા આપી હતી.

લોકો માત્ર ઉજવણી કરી રહ્યા છે
હેલોવીન પરેડમાં, અબ્દુલરહમાને પૌરાણિક ઉત્તર અમેરિકાના પ્રાણી વેન્ડિગનો પોશાક પહેર્યો હતો. તેણે પહેલીવાર દેશમાં હેલોવીનનો તહેવાર ઉજવ્યો. સમાચાર અનુસાર, તેણે કહ્યું, ' આ એક ખુબ સારું સેલિબ્રેશન છે, સાચું કહું તો મને હરામ કે હલાલ વિશે ખબર નથી, પરંતુ અહીં દરેક જણ ખુશ છે. અમે તેને માત્ર મનોરંજન માટે ઉજવીએ છીએ અને વધુ કંઈ નથી. અમે કોઈ વાતમાં માનતા નથી. આ ઈવેન્ટમાં આવેલા એક વ્યક્તિ ખાલિદે કહ્યું, 'કર્મ ઈરાદા દર્શાવે છે. હું અહીં માત્ર મોજ કરવા આવ્યો છું.

સાઉદી અરેબિયામાં થઈ રહ્યા છે  ફેરફારો
સાઉદી અરેબિયાની જનરલ એન્ટરટેઈનમેન્ટ ઓથોરિટીએ હેલોવીનની પ્રથમ અને સૌથી મોટી જાહેર ઉજવણીનું આયોજન કર્યું હતું. જનરલ ઓથોરિટી ફોર એન્ટરટેઈનમેન્ટના વડા, સાઉદી રોયલ કોર્ટના સલાહકાર, તુર્કી અલ-શેખે તેમના ફેસબુક એકાઉન્ટ દ્વારા જણાવ્યું હતું કે સપ્તાહના રજાઓમાં ભયંકર માહોલ છે. રિયાધમાં આ તહેવારની ઉજવણી બદલાવ દર્શાવે છે. ક્રાઉન પ્રિન્સ બન્યા પછી, મોહમ્મદ બિન સલમાને દેશમાં જે ઇસ્લામિક રિવાજો અને આધુનિક પરિવર્તનની વાત કહી હતી તેનો આ પુરાવો છે.

લોકોની પ્રતિક્રિયા શું હતી
સાઉદીના હેલોવીનને લઈને મિશ્ર પ્રતિક્રિયાઓ જોવા મળી હતી. કેટલાક લોકોએ કહ્યું કે સાઉદી અરેબિયા ટ્રેન્ડને ફોલોવ કરી રહ્યું છે. અને કેટલાક લોકોએ નારાજગી વ્યક્ત કરી હતી. એક યુઝરે લખ્યું, 'હું આ વર્ષે ઘણા મુસ્લિમોને હેલોવીન સેલિબ્રેટ કરતા જોઉં છું. મુસ્લિમોને હેલોવીન ઉજવવાની મનાઈ છે. અલ્લાહ સાચો રસ્તો બતાવે અને અમને માફ કરે.' અન્ય એક યુઝરે કહ્યું કે સાઉદી અરેબિયામાં હેલોવીનની ઉજવણી કરવી એ બતાવે છે કે કયામત દૂર નથી. તે જ સમયે, અન્ય એક યુઝરે કહ્યું કે મૂર્તિપૂજકોના પરંપરાગત ડ્રેસ પર શૈતાની માસ્ક પહેરવામાં આવે છે. આ કોઈ મજાક નથી.