હજયાત્રીઓની સુવિધા માટે સાઉદી અરબે 14 ભાષાઓમાં ઈ-ગાઈડ જાહેર કરી છે. ત્યાંરે ઈ-ગાઈડમાં લોકપ્રિય ભાષા હિન્દીનો સમાવેશ કરવામાં આવ્યો નથી.
ભારતમાંથી મોટી સંખ્યામાં હાજીઓની હાજરી
14 ભાષાઓમાં હજ ગાઈડ જારી કરવામાં આવી
હિન્દી ભાષાનો સમાવેશ કરવામાં ન આવ્યો
14 ભાષાઓમાં હજ ગાઈડ જારી
ભારતમાંથી દર વર્ષે હજારો મુસ્લિમો હજ યાત્રા પર સાઉદી અરબ જાય છે. કોવિડ રોગચાળાને કારણે બે વર્ષના મુસાફરી પ્રતિબંધ બાદ સાઉદી અરેબિયા આ વર્ષે લગભગ 10 લાખ તીર્થયાત્રીઓ આવી રહ્યા છે. સાઉદીએ વિદેશથી આવતા લોકોની સુવિધા માટે નવી અને અનોખી જાગૃતિની પહેલ શરૂ કરી છે. અખાતી રાષ્ટ્રની 14 ભાષાઓમાં હજ ગાઈડ જારી કરી છે પરંતુ ભારતમાંથી મોટી સંખ્યામાં હાજીઓની હાજરી હોવા છતાં તેમાં હિન્દીનો સમાવેશ કરવામાં આવ્યો નથી.મોટા ભાગના વિદેશી હજયાત્રીઓ ભારતના છે, તેમ છતાં હજ ગાઇડ જારી કરતી વખતે હિન્દીની ઉપેક્ષા કરવામાં આવી છે. સેન્ટ્રલ હજ કમિટી ઓફ ઈન્ડિયાના જણાવ્યા અનુસાર આ વખતે ભારતથી 79 હજાર 237 લોકો હજ યાત્રા પર જઈ રહ્યા છે. આ યાત્રીઓ માટે 168 ખાસ વિમાનની વ્યવસ્થા કરવામાં આવી છે.
હિન્દીનો સમાવેશ કરવામાં ન આવ્યો
ભારતમાંથી આટલી મોટી સંખ્યામાં હાજીઓ જવા છતાં સાઉદીએ પોતાના હજ ગાઇડમાં હિન્દીનો સમાવેશ કર્યો નથી. જો કે, ઉર્દૂમાં માર્ગદર્શિકા ચોક્કસપણે બહાર પાડવામાં આવી છે. વિવિધ ભાષાઓમાં હજ ગાઇડ હજ અને ઉમરાહ મંત્રાલય દ્વારા જાહેર કરવામાં આવી છે. આ પ્રયાસનો હેતુ લોકોમાં જાગૃતિ લાવવાનો અને હજ સંબંધિત માહિતી લોકોને તેમની ભાષામાં ઉપલબ્ધ કરાવવાનો છે, જેથી વિદેશી મુસાફરોને તકલીફ ન પડે. હજ ગાઈડમાં હજ સાથે જોડાયેલી જાણકારી ઉપરાંત તમામ સંબંધિત મુદ્દાઓને આવરી લેવામાં આવ્યા છે. આ ઇ-ગાઇડ અરબી, અંગ્રેજી, ફ્રેન્ચ, ઉર્દૂ, બંગાળી, ઇન્ડોનેશિયન, મલય, હૌસા, અમરિક, ફારસી, સ્પેનિશ, તુર્કી, રશિયન અને સિંહાલી ભાષાઓમાં ઉપલબ્ધ છે.
10,178 પાનાંની આ ઇ-ગાઇડ
ઈ-ગાઈડમાં હજને લગતી દરેક માહિતી રોચક અને વિસ્તૃત રીતે આપવામાં આવી છે. ઈ-ગાઈડમાં તેને રસપ્રદ બનાવવા માટે ફોટા અને વીડિયો પણ સામેલ છે. 10,178 પાનાંની આ ઇ-ગાઇડને જનરલ ઓથોરીટી અવાકાફ અને અન્ય સરકારી સંસ્થાઓના સહયોગથી વિકસાવવામાં આવી છે.
હજ યાત્રાનું મહત્વ અને બીજું કોઈ હજ માટે જઈ શકે ?
ઈસ્લામ ધર્મમાં હજ યાત્રાને ખૂબ જ મહત્વપૂર્ણ માનવામાં આવે છે. ઇસ્લામના પાંચ સ્તંભો - કલમાં વાંચન, નમાજ, રોજા, જકાત આપવી (દાન આપવું) સાથે હજ યાત્રાનો સમાવેશ થાય છે. મુસ્લિમો હજ માટે સાઉદી અરેબિયાના મક્કા શહેરમાં જાય છે. સઉદી અરબ દ્વારા આ વખતે હજ યાત્રીઓ માટે જાહેર કરવામાં આવેલી ગાઇડલાઇન્સ અનુસાર માત્ર એ જ લોકો જેમની ઉંમર 65 વર્ષથી ઓછી છે તે જ હજ માટે સાઉદી અરબના મક્કા જઇ શકે છે. કોરોનાની બંને રસીનો ડોઝ લીધેલ તેમજ સાઉદી અરેબિયામાં પ્રવેશવાના 72 કલાક પહેલાનો આરટી-પીસીઆર રિપોર્ટ બતાવવો પણ ફરજિયાત છે.
મહિલાઓ પણ જઈ શકે
સાઉદી અરબે મહિલાઓની હજ યાત્રા માટે પણ નિયમ બનાવ્યા છે. જો કોઈ મહિલા પુરુષ સંબંધી વગર હજ યાત્રા કરવા માંગતી હોય તો તેની ઉંમર 45 વર્ષથી વધુ હોવી જોઈએ. એક સ્ત્રી અન્ય ચાર મહિલાઓ સાથે હોવી આવશ્યક છે જેમની ઉંમર 45 વર્ષથી વધુ છે.