ભારે પડી / સઉદી અરબમાં પાકિસ્તાનની આબરૂના ધજાગરા, PAK આર્મી ચીફને ન મળ્યા ક્રાઉન પ્રિન્સ, તેલ -ગેસ પર પ્રતિબંધ યથાવત

• ક્રાઉન પ્રિન્સે પાક.આર્મી ચીફને મળવાનો કર્યો ઇન્કાર
• પાકિસ્તાને સઉદી અરબને મનાવવા બાજવાને મોકલ્યા હતા
• સઉદી અરબે સંબંધો કાપી નાખતા પાકિસ્તાન ચિંતિત

ક્રાઉન પ્રિન્સ મહમ્મદ બિન સલમાને રિયાદ પહોંચેલા પાકિસ્તાન આર્મી ચીફ જનરલ બાજવાને મળવાનો સ્પષ્ટ ઈનકાર કરી દીધો.  એટલું જ નહીં રિયાદમાં બાજવાના સમ્માનમાં આયોજિત કાર્યક્રમને પણ રદ કરી દેવામાં આવ્યો છે. જે બાદ બાજવાને સઉદી અરબથી ખાલી હાથ પરત ફરવું પડ્યું. 

બાજવાએ અનેકવાર ક્રાઉન પ્રિન્સ મહમ્મદ બિન સલમાનને મળવા માટે સમય માગ્યો પણ તેમના તરફથી વ્યસ્ત હોવાનું બહાનું કરીને તેમની સાથે મળવાનો ઈનકાર કર્યો. ક્રાઉન પ્રિન્સ સાથે મુલાકાત ન થયા બાદ જનરલ બાજવાએ સઉદી અરબના સેના પ્રમુખ ફૈયાદ બિન હામિદ અલ રુવૈલી સાથે મુલાકાત કરી.

આ મુલાકાતમાં સેના સહયોગ સિવાય અન્ય કોઈ મુદ્દે વાતચીત ન થઈ. આ દરમિયાન બાજવાએ સઉદી અરબને સૈન્ય મદદ આપવાની ઈચ્છા વ્યક્ત કરી. હકીકતમાં સાઉદી અરબ પાકિસ્તાનના વિદેશ મંત્રી શાહ મહમુદ કુરૈશીના નિવેદનને લઈને ગુસ્સે છે. કુરૈશીએ કાશ્મીરને લઈને સાઉદી અરબના રવૈયાને લઈને સાર્વજનિક રીતે ટિકા કરી હતી. તેમણે સાઉદીને ધમકી આપતા કાશ્મીર પર એકલા બેઠક બોલાવવાની ધમકી આપી હતી. જેથી સાઉદી પાકિસ્તાન પર ગુસ્સે છે અને પાકિસ્તાન સાથેની 6.2 બિલિયન ડોલરની ફાઈનાન્શિયલ ડીલને રદ્દ કરી દીધી છે બીજી તરફ ગેસ અને તેલ આપવા પર પ્રતિબંધ લગાવી દીધો છે.