ઈઝરાયલ અને પેલેસ્ટાઇન વચ્ચે થયેલ યુદ્ધના પરિણામ હવે ધીમે ધીમે સામે આવી રહ્યા છે
સાઉદી અરબે ઈઝરાયલથી આવતી ફલાઇટો માટે પોતાનું હવાઈ ક્ષેત્ર બંધ કરી દીધું
દુબઈની પહેલી ફલાઇટ ઉપડવાના થોડાક જ કલાકો પહેલા આવો નિર્ણય લીધો
ઇઝરાયલ અને UAE વચ્ચે કાર્ગો ફલાઇટ્સ માટે અબ્રાહમ સમજૂતી
સાઉદી અરબે ઈઝરાયલથી આવતી ફલાઇટો માટે પોતાનું હવાઈ ક્ષેત્ર બંધ કરી દીધું
સાઉદી અરબે મંગળવારે અચાનક જ ઈઝરાયલથી આવતી ફલાઇટો માટે પોતાનું હવાઈ ક્ષેત્ર બંધ કરી દીધું છે. આ કારણે દુબઈ પહેલા બેન ગુરિયન એરપોર્ટ પર ઈઝરાયલ એલાઇન્સની ફલાઇટ પાંચ કલાક મોડી પડી. સાઉદી અરબે આ માટે કોઈ પણ કારણ બતાવ્યા નહીં. ઈઝરાયલની ફલાઇટ ત્યાંના સમય અનુસાર સવારે 9 વાગે ઉપડવાની હતી. પણ સાઉદી અરબે જરૂરી પરમિટ આપવાની ના પડી દીધી. ત્યારપછી ઈઝરાયલની અલ અલ ફલાઇટ મંગળવારે બપોરે સાઉદી એરપોર્ટથી ઉડાન ભરવાની શરતે દુબઈ જવા માટે નીકળી હતી, પણ સાઉદી અરબે પરમિટ કેમ ના આપી તે પાછળનું કારણ હજી પણ સામે નથી આવ્યું.
દુબઈની પહેલી ફલાઇટ ઉપડવાના થોડાક જ કલાકો પહેલા આવો નિર્ણય લીધો
નવેમ્બરમાં સાઉદી અરબે કહ્યું હતું કે તેઓ ઈઝરાયલથી દુબઈ જતી ફલાઈટોને પોતાના હવાઈ ક્ષેત્ર ઉપયોગ કરવાની મંજૂરી આપશે. આપણ મંગળવારે તેલ અવિવથી દુબઈની પહેલી ફલાઇટ ઉપડવાના થોડાક જ કલાકો પહેલા આવો નિર્ણય લીધો. સાઉદી અરબ ઉપરથી વિમાન લઈ જવાની પરવાનગી વગર તેલ અવિવથી દુબઈનો માર્ગ ઈઝરાયલથી UAEની ફલાઇટો માટે નથી. પણ જો સાઉદી અરબની જગ્યાએ બીજો કોઈ માર્ગ પસંદ કરવામાં આવે તો ઈઝરાયલથી દુબઈ પહોંચવા માટે 3 ની જગ્યાએ 8 થી વધુ કલાકનો સમય લાગી શકે તેમ છે.
ઇઝરાયલ અને UAE વચ્ચે કાર્ગો ફલાઇટ્સ માટે અબ્રાહમ સમજૂતી
ઇઝરાયલ અને UAE વચ્ચે કાર્ગો ફલાઇટ્સ માટે અબ્રાહમ સમજૂતી પર સહી કર્યા પછી તરત જ ફલાઇટો શરૂ થઈ હતી. આ સમજૂતી પછી ઇઝરાયલ અને UAE વચ્ચે સબંધો એકદમ સામાન્ય થઈ ગયા હતા. ત્યારબાદ મોરક્કો અને સુડાન સાથે બહેરીન પણ એક ઐતિહાસિક સોદામાં સામેલ થયા હતા. ઈઝરાયલની સાથે સાથે અરબ દેશો UAE, મોરક્કો, સુડાન અને બહેરીને ગયા વર્ષે 15 સપ્ટેમ્બરના રોજ અબ્રાહમ સમજૂતી કરી હતી પણ આ સમજૂતીમાં સાઉદી અરબ સામેલ હતું નહીં. સાઉદી અરબે પોતાનું હવાઈ ક્ષેત્ર ઈઝરાયલને ઉપયોગમાં ના આપવાનું એવા સમયમાં નક્કી કર્યું છે કે જ્યારે ઇઝરાયલ અને પેલેસ્ટાઇન વચ્ચે 11 દિવસ થયેલ યુદ્ધ સમાપ્ત થઈ ગયું.