આર્જેન્ટિનાને ફીફા વર્લ્ડકપનાં પોતાના પહેલા મેચમાં હારનો સામનો કરવો પડ્યો છે. મંગળવાર, 22 નવેમ્બરનાં લુસેલ સ્ટેડિયમમાં રમવામાં આવેલી મેચમાં સાઉદી અરબે આર્જેન્ટિનાને 2-1નાં સ્કોરથી પરાજિત કરી છે. આર્જેન્ટિનાનાં કેપ્ટન લિયોનેવ મેસી કેવળ એક જ ગોલ કરી શક્યાં.
ફીફા વર્લ્ડકપ 2022નો સૌથી મોટો ઊલટફેર
મેસીની ટીમ આર્જેન્ટિના સાઉદી અરબથી હારી
2-1નાં સ્કોરથી આર્જેન્ટિના પરાજિત
ફીફા વર્લ્ડકપ 2022નો પહેલો સૌથી મોટો ઊલટફેર જોવા મળી રહ્યો છે. મંગળવારે લુસેલ સ્ટેડિયમમાં રમવામાં આવેલ ગ્રુપ-સીની મેચમાં સાઉદી અરબે આર્જેન્ટિનાને 2-1નાં સ્કોરથી પરાજિત કરી છે. ફુટબોલ જગતનાં ઇતિહાસમાં સાઉદી અરબની આર્જેન્ટિના પર આ પહેલી જીત છે, આ પહેલા બંને ટીમોની વચ્ચે કુલ 4 મેચ રમવામાં આવી હતી જેમાં આર્જેન્ટિના 2 મેચ જીતી હતી અને 2 ડ્રો પર છૂટી હતી.
મેસીએ માત્ર એક ગોલ કર્યો
આર્જેન્ટિના તરફથી મેચમાં એક માત્ર ગોલ લિયોનેલ મેસીએ કર્યો. તો સાઉદી અરબ માટે સાલેહ અલશેહરી અને સલેમ અલ-દાવાસારીએ ગોલ ફટકાર્યાં. આર્જેન્ટિના હાલમાં ફીફા રેન્કિંગમાં ત્રીજાં સ્થાને છે. અને સાઉદી અરબ 51માં સ્થાને છે.
બીજા હાફમાં સાઉદી અરબે મચાવી ધૂમ
બીજા હાફમાં સાઉદી અરબે જોરદાર વાપસી કરી, આ મેચની 48મી મિનીટે મેચનો પહેલો ગોલ કર્યો. સાઉદી અરબ માટે સાલેહ અલશેહરીએ ગોલ તાગ્યો હતો. ત્યારબાદ 54માં મિનીટે સલેમ અલ-દાવાસારીએ ગોલ તાગીને ટીમને 2-1નાં સ્કોરથી આગળ કરી.