દિલ્હી / કેજરીવાલના મંત્રી જૈનને જેલની 'મજા' જાહેર ન થઈ જાય તેવું કરવું જ છે ! હવે જશે હાઈકોર્ટ

• મસાજ લેતાં સત્યેન્દ્ર જૈનનાં લીક વીડિયો મુદે ચૂકાદો
• રાઉજ એવેન્યૂ કોર્ટ એકતરફી આદેશ આપવાનો કર્યો ઇનકાર
• સત્યેન્દ્ર જૈનનાં વકીલ કરશે HC માં અપીલ

દિલ્હી સરકારનાં મંત્રી સત્યેન્દ્ર જૈને રાઉજ એવેન્યૂ કોર્ટમાં જેલનાં સીસીટીવી ફુટેજનાં વીડિયોનું મીડિયામાં પ્રસારણ રોકવા અંગે અરજી દાખલ કરી હતી. સત્યેન્દ્ર જૈનનાં લીક વીડિયો અંગેની આ માંગને રાઉજ એવેન્યૂ કોર્ટે ફગાવી છે. જેના લીધે શક્ય છે કે સત્યેન્દ્ર જૈન હવે હાઇકોર્ટનાં દ્વાર ખટખટાવશે.

સત્યેન્દ્રનાં વકીલે કહ્યું કે HCમાં જશું
રાઉજ એવેન્યૂ કોર્ટનાં નિર્ણય બાદ સત્યેન્દ્ર જૈનનાં વકીલે કહ્યું કે તેઓ આ વિષયને લઇને હવે દિલ્હી હાઇકોર્ટમાં જશે. આ પહેલાં રાઉજ એવેન્યૂ કોર્ટમાં કેસની સુનાવણી દરમિયાન વકીલે કહ્યું કે છેલ્લાં 24 કલાકમાં ન તો સોશિયલ મીડિયા પર કંઇ ચાલ્યુ છે અને ન તો ટીવી મીડિયા પર. તેમણે એવું પણ કહ્યું કે કોર્ટની તરફથી જો એક આદેશ આવી જાય તો બધે જ બંધ થઇ જશે.

Sr Advocate Rahul Mehra appearing for Delhi minister Satyender Jain in Rouse Avenue Court withdraws the application which sought direction to restrain media to air/broadcast any clip of CCTV related to Jain, says will instead move high court. Court allows withdrawal https://t.co/w772c62076

— ANI (@ANI) November 24, 2022

વકીલની વાત પર કોર્ટ આપ્યો આ જવાબ
સત્યેન્દ્ર જૈનનાં વકીલની દલીલ પર કોર્ટે કહ્યું કે શું તમે એવું ઇચ્છો છો કે હું મીડિયા હાઉસીસની વાત સાંભળ્યા વિના જ રોક લગાવી દઉં? તેના પર સત્યેન્દ્ર જૈનનાં વકીલે કહ્યું કે અમે કોર્ટથી મીડિયા પર રોક લગાવવાનો આદેશ ઇચ્છીએ છીએ જેના કારણે એક ફેર ટ્રાયલ થઇ શકે. સત્યેન્દ્ર જૈનનાં વકીલે મીડિયા પર રોક લગાવવાને લઇને હાઇકોર્ટમાં જવાની વાત પણ જાહેર કરી છે.

જજએ કહ્યું કે પાવર હાઇકોર્ટ પાસે છે
સત્યેન્દ્ર જૈનનાં વકીલની દલીલો સાંભળીને રાઉન એવેન્યૂ કોર્ટનાં સ્પેશ્યલ જજએ કહ્યું કે આ પાવર હાઇકોર્ટની પાસે જ છે. તેમણે એવું પણ કહ્યું તે તેમની પાસે આવી રીતે એકતરફી આદેશ જાહેર કરવાની શક્તિ નથી. ત્યાર બાદ સત્યેન્દ્ર જૈનનાં વકીલ રાહુલ મેહરાએ રાઉજ એવેન્યૂ કોર્ટનાં સ્પેશલ જજથી અરજી પાછી લેવા અને HCમાં અપીલ કરવા માટે અનુમતિ માંગી હતી.

સાંજ સુધીમાં હાઇકોર્ટમાં અરજી દાખલ કરશે
સત્યેન્દ્ર જૈનની લીગલ ટીમે સ્પષ્ટ કહ્યું છે કે તે મોડી સાંજ સુધી હાઇકોર્ટમાં અરજી દાખલ કરશે. મની લોન્ડેરિંગનાં કેસમાં જેલમાં બંધ દિલ્લી સરકારનાં મંત્રી સત્યેન્દ્ર જૈનની લીગલ ટીમે એવું પણ જણાવ્યું કે દિલ્હી હાઇકોર્ટમાં અરજી દાખલ કરીને મુખ્ય ન્યાયાધીશને અર્જન્ટ હિયરિંગની પણ અપીલ કરશે.