ખેલ / કોમનવેલ્થ ગેમ્સમાં ભારત પર વરસ્યું સોનું જ સોનું, હવે સાત્વિક-ચિરાગ અને શરથ કમલે જીત્યો ગોલ્ડ, ટોટલ 22

• કોમનવેલ્થ ગેમ્સમાં ભારત પર વરસ્યું સોનું જ સોનું 
• બેડમિંટનમાં સાત્વિક-ચિરાગની જોડીએ જીત્યો ગોલ્ડ
• ટેબલ ટેનિસમાં પણ શરથ કમલે જીત્યો ગોલ્ડ 
• કોમનવેલ્થ ગેમ્સમાં ભારતને ટોટલ 22 ગોલ્ડ મેડલ મળ્યાં 

બર્મિંગહામમાં ચાલી રહેલા કોમનવેલ્થ ગેમ્સ 2022નો આજે 11મો દિવસ છે. બેડમિંટનમાં સાત્વિકસાઈરાજ રાન્કીરેડ્ડી અને ચિરાગ શેટ્ટીની જોડીએ મેન્સ ડબલ્સની ફાઈનલમાં ગોલ્ડ મેડલ જીત્યા હતા. સાત્વિક-ચિરાગની જોડીએ ફાઈનલમાં ઈંગ્લેન્ડના લેન બૅન અને સીન મેન્ડીને સીધી ગેમ્સમાં 21-15, 21-13થી પરાજય આપ્યો. 

#CommonwealthGames2022 | India's Satwik Sai Raj Rankireddy and Chirag Shetty win Gold in finals in men's double in Badminton pic.twitter.com/AJEui5Egal

— ANI (@ANI) August 8, 2022

ટેબલ ટેનિસમાં ભારતને મળ્યો ગોલ્ડ
ભારતના અનુભવી ખેલાડી અચંતા શરથ કમલે મેન્સ સિંગલ્સ ટેબલ ટેનિસમાં દેશને વધુ એક ગોલ્ડ અપાવ્યો છે. કમલે સોમવારે રમાયેલી ફાઈનલમાં મેજબાન ઈંગ્લેન્ડના લિયામ પિચફોર્ટને હરાવીને ગોલ્ડ પોતાને નામે કર્યો હતો.

#CommonwealthGames2022 | Achanta Sharath Kamal wins Gold in Men's Single Finals in Table Tennis pic.twitter.com/gcThyuYBBQ

— ANI (@ANI) August 8, 2022

કોમનવેલ્થ ગેમ્સમાં ભારતને મળ્યાં ટોટલ 22 ગોલ્ડ મેડલ
ઉલ્લેખનીય છે કે કોમનવેલ્થ ગેમ્સના 11મા દિવસ સુધી ભારતને 22 ગોલ્ડ મેડલ મળ્યાં છે. અને ભારતીય ખેલાડીઓનો મેડલ જીતવાનો સિલસિલો ચાલુ રહેવા પામ્યો છે. 

સાથિયાને કોમનવેલ્થ ગેમ્સમાં ટેબલ ટેનિસમાં ભારતને છઠ્ઠો મેડલ અપાવ્યો
ઉલ્લેખનીય છે કે સાથિયાને કોમનવેલ્થ ગેમ્સની ટેબલ ટેનિસમાં ભારતને છઠ્ઠો મેડલ અપાવ્યો છે. આ પહેલા તે પાંચ જીત્યો હતો અને અને હવે વધુ એક બ્રોન્ઝ મેડલ જીતતા તેણે કુલ છ મેડલ ભારતને અપાવ્યા છે. 

લક્ષ્ય સેને ડેબ્યૂ કોમનવેલ્થ ગેમ્સમાં ગોલ્ડ મેડલ જીત્યો
ભારતના સ્ટાર શટલર લક્ષ્ય સેને પોતાના ટેલેન્ટની ચમક કોમનવેલ્થ ગેમ્સમાં બતાવી છે. લક્ષ્ય સેને મેંસ સિંગલ્સની ફાઈનલમાં મલેશિયાના એનજી ટી યોંગને હરાવીને ગોલ્ડ મેડલ જીત્યો છે. 20 વર્ષિય યુવા બેડમિંટન ખેલાડી લક્ષ્ય સેને કોમનવેલ્થ ગેમ્સ 2022ની મેન સિંગલ્સ ફાઈનલમાં મલેશિયા ના જે યંગને 19-21, 21-9 અને 21-16થી હરાવ્યા હતા. કોમનવેલ્થ ગેમ્સમાં ભારતનો આ 20મો ગોલ્ડ મેડલ છે.

પીવી સિંધુએ પણ બેડમિન્ટનમાં જીત્યો ગોલ્ડ

ભારતની સ્ટાર શટલર પીવી સિંધુએ પણ બેડમિન્ટનમાં ભારતને ગોલ્ડ અપાવ્યો છે. લેટેસ્ટ મેડલ અનુસાર, કોમનવેલ્થ ગેમ્સમાં ભારતને 22 ગોલ્ડ મેડલ મળ્યાં છે.