તમારા કામનું / 1,075 વર્ષ બાદ આકાશમાં જોવા મળશે દુર્લભ નજારો, જાણો સમય અને વિગત

• નરી આંખે જોઇ શકાય તેવી ખગોળીય ઘટના
• 1075 વર્ષ બાદ જોવા મળશે આ નજારો
• ચાર ગ્રહો એક જ હરોળમાં દેખાશે 

આપણે નરીઆંખે જોઇ શકીએ તેવા ગ્રહો કોઇ હોય તો તે છે સૂર્ય, પૃથ્વી અને આકાશના તારા. બાકીના જે ગ્રહો હોય છે તે આપણે નરી આંખે જોઇ શકતા નથી. બ્રહ્માંડમાં ગ્રહોની ચાલ આપણે નરી આંખે જોઇ શકતા નથી. તેવામાં આ અઠવાડિયે એક એવો સંયોગ બનવા જઇ રહ્યો છે જેમાં આપણે ન જોયેલા ગ્રહો એક સાથે જોવા મળશે. જી હા, શનિ, મંગળ, શુક્ર અને ગુરુ આ ચારેય ગ્રહો એક જ લાઇનમાં ખુલ્લી આંખે જોવા મળશે.  ઈ.સ. 947માં જોવા મળ્યો હતો. આ દુર્લભ સંયોગ સૂર્યોદયના એક કલાક પહેલા પૂર્વીય આકાશમાં જોઈ શકાશે.

સૂર્યોદય પહેલા જોવા મળશે આ નજારો

પઠાણી સામંતી પ્લેનેટોરિયમ પ્લેનેટરી પરેડના ડેપ્યુટી ડાયરેક્ટર ડૉ. એસ. પટ્ટનાયકે જણાવ્યું કે આ અઠવાડિયે શનિ, મંગળ, શુક્ર અને ગુરુ એક જ હરોળમાં જોવા મળશે.  અગાઉ આ દુર્લભ સંયોજન ADમાં દેખાયો હતો.  આ દુર્લભ નજારો સૂર્યોદયના એક કલાક પહેલા પૂર્વીય આકાશમાં નરી આંખે દેખાશે.

આ દેશમાં જોવા મળશે નજારો

ઉત્તર ગોળાર્ધના દેશો એટલે કે વિષુવવૃત્ત રેખાના ઉપરના ભાગના લોકો આ સુંદર નજારો જોઈ શકશે. ભારતમાં પણ આ નજારો સરળતાથી જોઈ શકાશે. જોકે, શરત એટલી જ છે કે તે સમયે આકાશ પ્રદૂષણમુક્ત હોવું જોઇએ. જો તમે આ દુર્લભ ક્ષણના સાક્ષી બનવા માંગતા હો, તો તમારે સૂર્યોદય પહેલા પૂર્વ દિશામાં આકાશ તરફ જોવું પડશે.

Saturn, Mars, Venus&Jupiter will align in a parade this week. It's a rare combination, same took place in 947 AD*. It can be seen with naked eye. Will appear in eastern sky before an hr the sunrise:Dr S Pattnaik, Dy Director, Pathani Samanta Planetarium on planetary parade(26.04) pic.twitter.com/5ifIq138ag

— ANI (@ANI) April 26, 2022

ગ્રહો નજીક આવતા નથી

તો આ દુર્લભ ઘટનાને લઇને જેટ પ્રોપલ્શન લેબોરેટરીનું કહેવું છે કે ગ્રહો એક હરોળમાં દેખાશે એનો મતલબ એવો નથી કે આ તમામ ગ્રહો એકબીજાની નજીક આવી જશે. આ ગ્રહો હાલ પણ અવકાશમાં  એકબીજાથી અબજો કિલોમીટર દૂર છે.  આ ખગોળીય પરિસ્થિતિ એટલા માટે ઊભી થઈ રહી છે કારણ કે પૃથ્વી સૂર્યની આસપાસ ફરતી વખતે તેની ભ્રમણકક્ષામાં સતત પરિભ્રમણ કરી રહી છે અને તેના કારણે અન્ય ગ્રહોની સ્થિતિ દર મહિને બદલાતી રહે છે.